കൊച്ചി: കൊച്ചി അന്താരാഷ്ട്ര വിമാനത്താവളത്തിൽ കൊവിഡ് ആന്റിജൻ ടെസ്റ്റ് ആരംഭിച്ചു. ആന്റിബോഡി പരിശോധനയിൽ പോസിറ്റീവ് ആകുന്നവരെ ആണ് ആന്റിജൻ പരിശോധനക്ക് വിധേയരാക്കുന്നത്. പരിശോധിച്ച് അര മണിക്കൂറിനുള്ളിൽ പരിശോധനാഫലം ലഭിക്കുമെന്നതാണ് ഇതിന്റെ പ്രധാന നേട്ടം. ആന്റിജൻ പരിശോധനയിലും പോസിറ്റീവ് ആവുന്നവരെ ഫസ്റ്റ് ലൈൻ ട്രീറ്റ്‌മെന്റ് സെന്ററുകളിലേക്കോ കൊവിഡ് ആശുപത്രികളിലേക്കോ മാറ്റും.
ആന്റിജൻ ടെസ്റ്റിംഗ് സംവിധാനത്തിന്റെ പ്രവർത്തനം വിലയിരുത്താൻ കളക്‌ടർ നേരിട്ടെത്തി.
സി. ഐ. എസ്. എഫ് ജീവനക്കാർക്ക് രോഗം സ്ഥിരീകരിക്കുന്ന സാഹചര്യത്തിൽ രോഗ വ്യാപനം തടയാൻ കർശന നിർദേശം നൽകി.. രോഗലക്ഷണമുള്ളവർ ഉടൻ തന്നെ ആരോഗ്യ പ്രവർത്തകരുമായി ബന്ധപ്പെടണമെന്നും ദിവസേന രോഗലക്ഷണങ്ങൾ പരിശോധിക്കണമെന്നും കളക്ടർ നിർദേശം നൽകി.