കോതമംഗലം: കേന്ദ്ര സർക്കാർ രാജ്യത്തെ പൊതു മേഘലാ സ്ഥാപനങ്ങൾ വിറ്റുതുലയ്ക്കുന്നതിനെതിരെയും പെട്രോളിയം ഉല്പന്നങ്ങളുടെ ഭീമമായ വിലവർദ്ധനവിനെതിരെയും കൊവിഡിന്റെ പശ്ചാതലത്തിൽ രാജ്യത്തെ കർഷകർക്കും സാധാരണക്കാർക്കും സംരക്ഷണം നൽകാത്തതിലും തൊഴിൽ നിയമങ്ങൾ സസ്പെന്റ് ചെയ്യുന്നതിലും പ്രതിഷേധിച്ച് സംയുക്ത തൊഴിലാളി സമരസമിതി ദേശീയ തലത്തിൽ പ്രഖ്യാപിച്ച പ്രതിഷേധ സമരത്തിന്റെ ഭാഗമയി കോതമംഗലം താലൂക്ക് കമ്മിറ്റിയുടെ ആഭിമുഖ്യത്തിൽ ഗാന്ധിസ്ക്വയറിലെ പോസ്റ്റ് ഓഫീസിനു മുന്നിൽ പ്രതിഷേധ ധർണ നടത്തി.സി.ഐ.ടി.യു താലൂക്ക് സെക്രട്ടറി കെ.എ.ജോയി സമരം ഉദ്ഘാടനം ചെയ്തു. എ.ഐ.ടി.യു.സി താലൂക്ക് സെക്രട്ടറി എം.എസ്.ജോർജ്ജ് അദ്ധ്യക്ഷത വഹിച്ച സമരത്തിൽ എച്ച്.എം.എസ് സംസ്ഥാന വൈസ് പ്രസിഡന്റ് മനോജ് ഗോപി, സി.ഐ.ടി.യു താലൂക്ക് കമ്മിറ്റി അംഗം ജോഷി അറക്കൽ, ബിനു തങ്കൻ, പി.സി.ഔസേപ്പ്, പി.സി.ജോണി തുടങ്ങിയവർ പ്രസംഗിച്ചു.