കളമശേരി: സ്വർണകള്ളക്കടത്തിനെക്കുറിച്ച് സി.ബി.ഐ അന്വേഷണം നടത്തണമെന്നും മുഖ്യമന്ത്രി പിണറായി വിജയൻ രാജിവയ്ക്കണമെന്നും ആവശ്യപ്പെട്ട് യൂത്ത് കോൺഗ്രസ് കളമശേരി മണ്ഡലം കമ്മിറ്റിയുടെ നേതൃത്വത്തിൽ സൗത്ത് കളമശേരിയിൽ പ്രതിഷേധ പ്രകടനം നടത്തി. മുഖ്യമന്ത്രിയുടെ കോലം കത്തിച്ചു. യൂത്ത് കോൺഗ്രസ് മണ്ഡലം പ്രസിഡന്റ് കെ എസ്. സുജിത്ത്കുമാർ അദ്ധ്യക്ഷത വഹിച്ചു. ജില്ലാ വൈസ് പ്രസിഡന്റ് അഷ്കർ പനയപ്പിള്ളി ഉദ്ഘാടനം ചെയ്തു. പി.എം. നജീബ്, മനാഫ് പുതുവായിൽ, ഷംസു തലക്കോട്ടിൽ, അൻവർ ഞാക്കട, എ.കെ. നിഷാദ്, റസീഫ് അടമ്പയിൽ, അനസ് മരക്കാർ, നാസർ മൂലേപ്പാടം തുടങ്ങിയവർ നേതൃത്വം നൽകി.