ആലുവ: ഉറവിടമറിയാത്ത കൊവിഡ് രോഗികൾ കൂടിയതോടെ ആലുവ നഗരം പൂർണമായി കണ്ടെയ്ൻമെന്റ് സോണിലാക്കാനും ആലുവ മാർക്കറ്റ് പൂർണമായി അടക്കാനും തീരുമാനം. നഗരസഭ പരിധിയിൽ തോട്ടക്കാട്ടുകര മേഖലയെ മാത്രമാണ് കണ്ടെയ്ൻമെന്റ് സോണിൽ നിന്നും ഒഴിവാക്കിയിട്ടുള്ളത്.നഗരത്തിലെ ഒമ്പതാം വാർഡ് മുതൽ 23 -ാം വാർഡ് വരെയുള്ള വാർഡുകളിൽ 8,14 വാർഡുകൾ ഒഴികെയുള്ളവയാണ് കണ്ടെയ്ൻമെന്റ് സോണിലാക്കിയത്. ബൈപ്പാസ് മേഖല ഉൾപ്പെടുന്നതാണ് ഒഴിവാക്കപ്പെട്ട എട്ടാം വാർഡ്. ചെമ്പകശേരി മേഖലയാണ്14 -ാം വാർഡ്. എന്നാൽ കൊവിഡ് രോഗികൾ ചികിത്സ തേടിയ ആശുപത്രിയും മാർക്കറ്റിന് കേവലം 150 മീറ്റർ മാത്രം അകലവുമുള്ള വാർഡാണ് എട്ട്. ഈ വാർഡിലെ കൗൺസിലറും ഇന്നലെ കൊവിഡ് ടെസ്റ്റിനായി സ്രവം നൽകിയവരിലുണ്ട്. നേരത്തെ വൈദികന് കൊവിഡ് സ്ഥിരീകരിച്ചതിനെ തുടർന്ന് നസ്രത്ത് വാർഡും മാർക്കറ്റിലെ ഓട്ടോറിക്ഷ തൊഴിലാളിക്ക് രോഗം സ്ഥിരീകരിച്ചതിനെ തുടർന്ന് മാർക്കറ്റ് ഭാഗത്തെ വാർഡും മാത്രമാണ് കണ്ടെയ്മെന്റ് സോണുകളായി പ്രഖ്യാപിച്ചിരുന്നത്.കീഴ്മാട് പഞ്ചായത്തിലെ അഞ്ചാം വാർഡിന് പുറമെ നാലാം വാർഡും ചൂർണ്ണിക്കരയിലെ 7-ാം വാർഡും കണ്ടെയ്ൻമെന്റ് സോണായി പ്രഖ്യാപിച്ചിട്ടുണ്ട്.

#ആലുവ മാർക്കറ്റ് വീണ്ടും അടച്ചു

ആലുവ മാർക്കറ്റിൽ പുലർച്ചെ രണ്ട് മുതൽ 9.30വരെ മൊത്ത വ്യാപാരത്തിന് കഴിഞ്ഞ ദിവസം അനുവദിച്ചിരുന്നു. ഇതാണ് ഇന്നലെ ഉപേക്ഷിക്കാൻ തീരുമാനിച്ചത്. കൊവിഡിന്റെ പ്രതിരോധത്തിന്റെ ഭാഗമായുള്ള സർക്കാർ തീരുമാനം നാടിന്റെയും ജനങ്ങളുടേയും സുരക്ഷക്കായി എല്ലാവരും കർശനമായി പാലിക്കണമെന്ന് അൻവർ സാദത്ത് എം.എൽ.എ അഭ്യർത്ഥിച്ചു.

# ഉറവിടമറിയാത്ത രണ്ട് കൊവിഡ്

ആലുവ മേഖലയിൽ ഇന്നലെ ഉറവിടമറിയാത്ത രണ്ട് പേർക്ക് കൊവിഡ് സ്ഥിരീകരിച്ചിട്ടുണ്ട്. റെയിൽവേ സ്റ്റേഷന് സമീപം ചായക്കട നടത്തുന്ന 64 കാരനും എടത്തല സ്വദേശിയായ 59 കാരനുമാണ് ഉറവിടമറിയാത്ത കൊവിഡ് ബാധിതർ. ഇതര സംസ്ഥാനക്കാരുടെ ഏറെ സാന്നിദ്ധ്യമുള്ളിടത്താണ് ചായക്കട. ഇയാളുടെ മകൻ അടുത്തിടെ വിദേശത്ത് നിന്നും വന്ന് ക്വറന്റൈനിൽ പോയെങ്കിലും കൊവിഡ് ബാധിച്ചിരുന്നില്ല. അതിനാൽ പുറമെ നിന്നുമാണ് വൈറസ് ബാധിച്ചതെന്നാണ് അനുമാനിക്കുന്നത്.

173​ ​പേ​ർ​ക്ക് ​കൊ​വി​ഡ് ​ടെ​സ്റ്റ് ​ന​ട​ത്തി

​ ​ഉ​റ​വി​ട​മ​റി​യാ​തെ​ ​നി​ര​വ​ധി​ ​പേ​ർ​ക്ക് ​കൊ​വി​ഡ് ​രോ​ഗം​ ​സ്ഥി​രീ​ക​രി​ച്ച​ ​സാ​ഹ​ച​ര്യ​ത്തി​ൽ​ ​ആ​ലു​വ​യി​ൽ​ 173​ ​പേ​ർ​ക്ക് ​കൊ​വി​ഡ് ​ടെ​സ്റ്റ് ​ന​ട​ത്തി.​ ​ആ​ലു​വ​ ​എം.​ജി​ ​ടൗ​ൺ​ ​ഹാ​ളി​ലും​ ​തോ​ട്ട​ക്കാ​ട്ടു​ക​ര​ ​പ്രി​യ​ദ​ർ​ശി​നി​ ​ടൗ​ൺ​ ​ഹാ​ളി​ലു​മാ​യി​ട്ടാ​യി​രു​ന്നു​ ​ടെ​സ്റ്റ് ​സം​ഘ​ടി​പ്പി​ച്ച​ത്.
ഡോ.​ ​ഗൗ​രി​ ​കൃ​പ,​ ​ഡോ.​പി.​ ​ഫി​റോ​സ്,​ ​സ്റ്റാ​ഫ് ​നേ​ഴ്സ് ​വി​ജ​യ​ല​ക്ഷ്മി​ ​എ​ന്നി​വ​രു​ടെ​ ​നേ​തൃ​ത്വ​ത്തി​ലാ​യി​രു​ന്നു​ ​പ​രി​ശോ​ധ​ന.​ ​മാ​ർ​ക്ക​റ്റി​ലെ​ ​ചു​മ​ട്ടു​ ​തൊ​ഴി​ലാ​ളി,​ ​ഓ​ട്ടോ​റി​ക്ഷ​ ​ഡ്രൈ​വ​ർ,​ ​മാ​ദ്ധ്യ​മ​ ​പ്ര​വ​ർ​ത്ത​ക​ൻ,​ ​വൈ​ദി​ക​ൻ,​ ​ചെ​റു​കി​ട​ ​വ്യ​വ​സാ​യി,​ ​ക​രാ​റു​കാ​ര​ൻ​ ​എ​ന്നി​വ​ർ​ക്കാ​ണ് ​ആ​ലു​വ​യി​ൽ​ ​ഉ​റ​വി​ട​മ​റി​യാ​തെ​ ​രോ​ഗം​ ​സ്ഥി​രീ​ക​രി​ച്ചി​ട്ടു​ള്ള​ത്.​ ​ഇ​വ​രു​മാ​യി​ ​ബ​ന്ധ​മു​ള്ള​ ​ന​ഗ​ര​സ​ഭ​ ​കൗ​ൺ​സി​ല​ർ​മാ​ർ,​ ​മാ​ദ്ധ്യ​മ​ ​പ്ര​വ​ർ​ത്ത​ക​ർ,​ ​തൊ​ഴി​ലാ​ളി​ ​യൂ​ണി​യ​ൻ​ ​നേ​താ​ക്ക​ൾ,​ ​മ​ർ​ച്ച​ന്റ്സ് ​അ​സോ​സി​യേ​ഷ​ൻ​ ​ഭാ​ര​വാ​ഹി​ക​ൾ,​ ​ട്രാ​വ​ത്സ് ​ജീ​വ​ന​ക്കാ​ർ,​ ​പൊ​തു​മാ​ർ​ക്ക​റ്റി​ലെ​ ​പ​ച്ച​ക്ക​റി​ ​ക​യ​റ്റി​യി​റ​ക്ക്,​ ​പ​ച്ച​മ​ത്സ്യം​ ​ക​യ​റ്റി​യി​റ​ക്ക്,​ ​ഓ​ട്ടോ​റി​ക്ഷ​ ​ഡ്രൈ​വ​ർ​മാ​ർ​ ​തു​ട​ങ്ങി​ ​വി​വി​ധ​ ​മേ​ഖ​ല​ക​ളി​ലു​ള്ള​വ​രു​ടെ​ ​സ്ര​വ​മാ​ണ് ​പ​രി​ശോ​ധ​ന​ ​ന​ട​ത്തി​യ​ത്.