 വരാപ്പുഴ മത്സ്യ മാർക്കറ്റ്, ആലുവ മാർക്കറ്റ്, ചമ്പക്കര മാർക്കറ്റ് എന്നിവ അടച്ചു

കൊച്ചി: ജില്ലയിൽ ആശങ്കയുടെ തോത് കൂട്ടി സമ്പർക്കരോഗികളുടെ എണ്ണം കൂടുന്നു. ഇന്നലെ 16 പേർക്ക് രോഗം സ്ഥിരീകരിച്ചു, അതിൽ 9 പേർക്ക് സമ്പർക്കത്തിലൂടെ രോഗം പകർന്നതാണ്. 13 പേർ രോഗമുക്തി നേടി. ഇന്ന് 905 പേരെ കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 1219 പേരെ നിരീക്ഷണ പട്ടികയിൽ നിന്നും ഒഴിവാക്കി. ചെല്ലാനത്തിന് പുറമെ ആലുവ മുൻസിപ്പാലിറ്റിയിലെ 13 വാർഡുകളും കണ്ടെയ്ൻമെന്റ് സോണുകൾ ആക്കി. സ്ഥിതി ഗുരുതരമായാൽ ആലുവ മുൻസിപ്പാലിറ്റി പൂർണമായും അടക്കും. മരട് മുൻസിപ്പാലിറ്റിയിലെ 4ാം ഡിവിഷനും കണ്ടെയ്ൻമെന്റ് സോൺ ആണ്. മരട് മാർക്കറ്റിന് കർശന നിയന്ത്രണങ്ങൾ പാലിച്ചേ പ്രവർത്തിക്കാവൂ.

രോഗികൾ

1 ജൂലായ് 1ന് ബാംഗ്ലൂർ-കൊച്ചി വിമാനത്തിലെത്തിയ 46 വയസുള്ള പുത്തൻവേലിക്കര സ്വദേശി

2 ജൂലായ് 5ന് മുംബൈ-കൊച്ചി വിമാനത്തിലെത്തിയ 45 വയസുള്ള സ്വകാര്യ ഷിപ്പിംഗ് കമ്പനി ഉദ്യോഗസ്ഥനായ മഹാരാഷ്ട്ര സ്വദേശി

3-4 ജൂൺ 18ന് കുവൈറ്റ്-കൊച്ചി വിമാനത്തിലെത്തിയ ഒരേ കുടുംബത്തിൽപ്പെട്ട 17, 48 വയസ്സുള്ള പള്ളിപ്പുറം സ്വദേശിനികൾ

5 ജൂൺ 19ന് ചെന്നൈ-കൊച്ചി വിമാനത്തിലെത്തിയ 24 വയസുള്ള കുന്നത്തുനാട് സ്വദേശിനി

6 ജൂൺ 22ന് ചെന്നൈ-കൊച്ചി വിമാനത്തിലെത്തിയ 26 വയസുള്ള ബീഹാർ സ്വദേശിനി

7 ജൂലായ് 6ന് റായ്പൂർ-കൊച്ചി വിമാനത്തിലെത്തിയ 34 വയസുള്ള ഛത്തീസ്ഗഡ്ഡ് സ്വദേശി

8 ജൂലായ് 6ന് രോഗം സ്ഥിരീകരിച്ച മുളവുകാട് സ്വദേശിനിയുടെ അടുത്ത ബന്ധുവായ 49 വയസുള്ള മുളവുകാട് സ്വദേശി

9-11 ജൂലായ് 3ന് രോഗം സ്ഥിരീകരിച്ച ചെല്ലാനം സ്വദേശിനിയുടെ സമ്പർക്ക പട്ടികയിലുള്ള 50 വയസുള്ള ചെല്ലാനം സ്വദേശിയും 33, 90 വയസുള്ള അടുത്ത ബന്ധുക്കളും

12-14 ജൂലായ് 4ന് രോഗം സ്ഥിരീകരിച്ച കടവന്ത്ര സ്വദേശിനിയുടെയും ജൂലായ് 6ന് രോഗം സ്ഥിരീകരിച്ച തേവര സ്വദേശിയുടെയും സമ്പർക്ക പട്ടികയിലുള്ള 43 വയസുള്ള മരട് സ്വദേശിയും ഇദ്ദേഹത്തിന്റെ 38, 72 വയസുള്ള കുടുംബാംഗങ്ങൾ
15 59 വയസുള്ള ആലുവ പമ്പ് ജംഗ്ഷനടുത്ത് കച്ചവടം നടത്തുന്ന എടത്തല സ്വദേശി
16 ആലുവ റെയിൽവെ സ്റ്റേഷന് സമീപം ചായക്കടയും സ്റ്റേഷനറി കച്ചവടവും നടത്തുന്ന 64 വയസുള്ള കടുങ്ങല്ലൂർ സ്വദേശിക്കും രോഗം സ്ഥിരീകരിച്ചു. ഇദ്ദേഹത്തിന്റെ മകൻ ജൂൺ 14ന് വിദേശത്തുനിന്ന് മടങ്ങിയെത്തിയിരുന്നു. തുടർന്ന് മകനും, പിതാവിനും രോഗലക്ഷണങ്ങൾ കണ്ടതിനെ തുടർന്ന് നടത്തിയ പരിശോധനയിൽ പിതാവിന് രോഗം സ്ഥിരീകരിച്ചു. ഇന്നലെ രോഗം സ്ഥിരീകരിച്ച ആലങ്ങാട് സ്വദേശിയുടെ ഒരു വാണിജ്യ സ്ഥാപനത്തിന് സമീപമാണ് ഇദ്ദേഹം കച്ചവടം നടത്തുന്നത്.

രോഗമുക്തി

1 ജൂൺ 27ന് രോഗം സ്ഥിരീകരിച്ച 16 വയസുള്ള പാറക്കടവ് സ്വദേശിനി

2 29 വയസുള്ള കുട്ടമ്പുഴ സ്വദേശി

3 ജൂൺ 22ന് രോഗം സ്ഥിരീകരിച്ച 53 വയസുള്ള കോടനാട് സ്വദേശി

4 ജൂൺ 16ന് രോഗം സ്ഥിരീകരിച്ച 39 വയസുള്ള ആലുവ സ്വദേശി

5 ജൂൺ 28ന് രോഗം സ്ഥിരീകരിച്ച 48 വയസുള്ള മട്ടാഞ്ചേരി സ്വദേശി

6 36 വയസുള്ള ചൂർണിക്കര സ്വദേശി

7 29 വയസുള്ള ഫോർട്ട് കൊച്ചി സ്വദേശി

8 ജൂൺ 23ന് രോഗം സ്ഥിരീകരിച്ച 32 വയസുള്ള വരാപ്പുഴ സ്വദേശി

9 31 വയസുള്ള മഹാരാഷ്ട്ര സ്വദേശി

10 ജൂൺ 13ന് രോഗം സ്ഥിരീകരിച്ച 39 വയസുള്ള കണ്ണൂർ സ്വദേശി

11 ജൂൺ 15ന് രോഗം സ്ഥിരീകരിച്ച 26 വയസുള്ള മഹാരാഷ്ട്ര സ്വദേശി

12 23 വയസുള്ള തമിഴ്‌നാട് സ്വദേശി

13 ജൂൺ 22ന് രോഗം സ്ഥിരീകരിച്ച 44 വയസുള്ള പിണ്ടിമന സ്വദേശി

ഐസൊലേഷൻ

ആകെ: 13634

വീടുകളിൽ: 11333

കൊവിഡ് കെയർ സെന്റർ: 561

ഹോട്ടലുകൾ: 1457

ആശുപത്രി:283

മെഡിക്കൽ കോളേജ്:89

അങ്കമാലി അഡ്‌ലക്‌സ്:112

ഫോർട്ട് കൊച്ചി താലൂക്ക് ആശുപത്രി:5

എൻ.എസ് സഞ്ജീവനി:2

സ്വകാര്യ ആശുപത്രി:75

റിസൽട്ട്

ആകെ: 254

പോസിറ്റീവ്: 16

ലഭിക്കാനുള്ളത്: 480

ഇന്നലെ അയച്ചത്: 322

കൊവിഡ്

ആകെ:215

മെഡിക്കൽ കോളേജ് :99

അങ്കമാലി അഡ്‌ലക്‌സ് :112

ഐ.എൻ.എസ് സഞ്ജീവനി: 2

സ്വകാര്യ ആശുപത്രി : 2

''ജില്ലയിൽ ഇത് വരെ 47953 പേരുടെ സാമ്പിളുകൾ പരിശോധിച്ചതിൽ 0.9 ശതമാനം മാത്രമാണ് പോസിറ്റീവ് ആയിട്ടുള്ളത്. ജില്ലയിൽ രോഗ വ്യാപന തോത് കൂടുതൽ ആണെന്ന പ്രചരണം അടിസ്ഥാന രഹിതമാണ്. ''

വി.എസ് സുനിൽകുമാർ

മന്ത്രി (ജില്ലാ ചുമതല)