കളമശേരി: ബ്രേക്ക് ദ ചെയിൻ രണ്ടാം ഘട്ടത്തിന്റെ ഭാഗമായി കേരള എൻ.ജി.ഒ.യൂണിയൻ കളമശേരി ഏരിയ കമ്മിറ്റിയുടെ ആഭിമുഖ്യത്തിൽ ഫൂട്ട് ഓപ്പറേറ്റർ സാനിറ്റൈസർ സ്റ്റാൻഡ് വിവിധ ഓഫീസുകളിൽ സ്ഥാപിച്ചു.ഐ.ടി.ഐ കളമശേരി, പോളിടെക്നിക്ക് കോളേജ്, മെഡിക്കൽ കോളേജ് ,പൊതുമരാമത്ത് വകുപ്പ് ഓഫീസ്, പത്തടിപ്പാലം എന്നിവിടങ്ങളിലാണ് ഫൂട്ട് ഓപ്പറേറ്റർ സാനിറ്റൈസർ സ്റ്റാൻഡ് സ്ഥാപിച്ചത്.

സ്റ്റാൻഡിന്റെ വിതരണോത്ഘാടനം കേരള എൻ.ജി.ഒ.യൂണിയൻ സംസ്ഥാന സെക്രട്ടേറിയറ്റ് അംഗം സി.എസ്.സുരേഷ് കുമാർ നിർവഹിച്ചു. ജില്ലാ സെക്രട്ടേറിയറ്റ് അംഗം പി.പി.സുനിൽ, ഏരിയാ സെക്രട്ടറി ഡി.പി.ദിപിൻ, പ്രസിഡന്റ് വി.ദീപ, ട്രഷറർ മുഹമ്മദ് അഫ്സൽ, ജോ. സെക്രട്ടറി ടി.വി.സിജിൻ എന്നിവർ സംസാരിച്ചു. കേരള എൻ.ജി.ഒ യൂണിയൻ കളമശേരി ഏരിയ കമ്മറ്റി അംഗവും ഫിറ്റർ ട്രേഡ് ഇൻസ്ട്രക്ടറുമായ ഇ.ടി.ഷാജിയാണ് സ്റ്റാന്റ് രൂപകല്പന ചെയ്തത്.