ആലുവ: കൊവിഡ് പ്രതിരോധത്തിന്റെ ഭാഗമായി ആലുവ നഗരം പൂർണമായി കണ്ടെയ്ൻമെന്റ് സോണിന്റെ പരിധിയിലായി. നഗരത്തിൽ നേരത്തെ ഒഴിവാക്കിയിരുന്ന എട്ട്, 21 വാർഡുകളെ കൂടിയാണ് കണ്ടെയ്മെന്റ് സോണിന്റെ പരിധിയിലേക്ക് കൊണ്ടുവന്നത്. എന്നാൽ പുളിഞ്ചോട് മേഖല ഉൾപ്പെടുന്ന 23 -ാം വാർഡിനെ ഒഴിവാക്കി.ഇന്നലെ രാവിലെ അൻവർ സാദത്ത് എം.എൽ.എയുടെ സാന്നിദ്ധ്യത്തിൽ ചേർന്ന പൊലീസിന്റെയും നഗരസഭ അധികൃതരുടെയും യോഗത്തിലാണ് തീരുമാനം. തുടർന്ന് ജില്ലാ കളക്ടറെ വിവരമറിയിച്ചു.

#രണ്ട് വാർഡുകൾ കൂടി കണ്ടെയ്ൻമെന്റ് സോണിൽ

എട്ടും 21 ഉം വാർഡുകളെ കൂടി കണ്ടെയ്മെന്റ് സോണിൽ ഉൾപ്പെടുത്തിയില്ലെങ്കിൽ നഗരത്തിലേക്കുള്ള വാഹനങ്ങളെ നിയന്ത്രിക്കാനാകില്ല. അതിനാലാണ് രണ്ട് വാർഡുകൾ കൂടി കൂട്ടിച്ചേർത്തത്. ഇന്നലെ രാവിലെ നഗരത്തിലെ ഇടറോഡുകളിൽ മാത്രമാണ് പൊലീസ് ഗതാഗതം തടസപ്പെടുത്തിയത്. പ്രധാന റോഡുകളിലൂടെ നഗരത്തിലേക്ക് വാഹനം കടന്നുവന്നതിനാൽ കണ്ടെയ്ൻമെന്റ് സോൺ പൂർണതയിലായില്ല. ഇതേതുടർന്നാണ് എം.എൽ.എയുടെ സാന്നിദ്ധ്യത്തിൽ യോഗം ചേർന്ന് രണ്ട് വാർഡുകൾ കൂടി ഉൾപ്പെടുത്താൻ തീരുമാനിച്ചത്.

#റോഡ് പൂർണമായും അടച്ചു

ആലുവ ബൈപ്പാസ്, ആലുവ - പെരുമ്പാവൂർ റോഡിൽ തോട്ടുമുഖം, ആലുവ - മൂന്നാർ രോഡിൽ അശോകപുരം കൊച്ചിൻ ബാങ്ക് കവല എന്നിവിടങ്ങിൽ പൊലീസ് വഴിയടച്ച് ഗതാഗതം തടഞ്ഞു. ഉച്ചയോടെ നഗരം നിശ്ചലമായി. ജില്ലാ പൊലീസ് മേധാവി കെ. കാർത്തിക് നേരിട്ടാണ് ഗതാഗത നിയന്ത്രണത്തിന് നേതൃത്വം നൽകുന്നത്.

#ബസുകൾക്കും പ്രവേശനമില്ല

നഗരം കണ്ടെയ്ൻമെന്റ് സോൺ ആയതിനെ തുടർന്ന് സ്വകാര്യ - കെ.എസ്.ആർ.ടി.സി ബസുകൾക്കും പ്രവേശനമില്ല. എറണാകുളത്ത് നിന്നും നഗരത്തിലേക്ക് വരുന്ന ബസുകൾ ദേശീയപാതയിൽ പുളിഞ്ചോടിൽ യാത്രക്കാരെ ഇറക്കി മടങ്ങണം. പെരുമ്പാവൂർ ഭാഗത്തേക്ക് പോകേണ്ട ബസുകൾ ഉൾപ്പെടെയുള്ള വാഹനങ്ങൾ ദേശീയപാതയിലൂടെ ദേശത്തെത്തി കാലടി റോഡിലൂടെ ചൊവ്വരയിലെത്തി സീപോർട്ട് - എയർപോർട്ടിന്റെ ഭാഗമായ ചൊവ്വര, മഹിളാലയം പാലം വഴി പെരുമ്പാവൂർ ദേശസാത്കൃത റോഡിൽ പ്രവേശിക്കണം.

ആലുവയിൽ സർവീസ് അവസാനിപ്പിക്കുന്ന കെ.എസ്.ആർ.ടി.സി ബസുകൾ തോട്ടുമുഖം എടയപ്പുറം കവലയിൽ യാത്രക്കാരെ ഇറക്കി മടങ്ങണം. മൂന്നാർ റോഡിലൂടെ ആലുവയിലേക്ക് വരുന്ന ബസുകൾ അശോകപുരം കൊച്ചിൻ ബാങ്ക് കവലയിൽ സർവീസ് അവസാനിപ്പിച്ച് മടങ്ങണം.

ഇ​ന്ന​ലെ​ 86​ ​പേ​ർ​ക്ക്കൊ​വി​ഡ് ​ടെ​സ്റ്റ് ​ന​ട​ത്തി

​ആ​ലു​വ​യി​ൽ​ ​കൊ​വി​ഡ് ​രോ​ഗ​ ​വ്യാ​പ​നം​ ​ത​ട​യു​ന്ന​തി​ന്റെ​ ​ഭാ​ഗ​മാ​യി​ ​ഇ​ന്ന​ലെ​യും​ ​ന​ഗ​ര​ത്തി​ൽ​ 86​ ​പേ​ർ​ക്ക് ​പി.​സി.​ആ​ർ​ ​ടെ​സ്റ്റ് ​ന​ട​ത്തി.​ ​ന​ഗ​ര​സ​ഭ​ ​ക​ണ്ടി​ജ​ൻ​സി​ ​ജീ​വ​ന​ക്കാ​ർ,​ ​സി.​എ​ൽ.​ആ​ർ​ ​തൊ​ഴി​ലാ​ളി​ക​ൾ,​ ​ന​ജാ​ത്ത് ​ആ​ശു​പ​ത്രി​യി​ലെ​ ​ര​ണ്ടു​ ​ജീ​വ​ന​ക്കാ​ർ​ ​എ​ന്നി​വ​ർ​ക്കാ​ണ് ​ടെ​സ്റ്റു​ ​ന​ട​ത്തി​യ​തെ​ന്ന് ​അ​ൻ​വ​ർ​ ​സാ​ദ​ത്ത് ​എം.​എ​ൽ.​എ​ ​അ​റി​യി​ച്ചു.
ആ​ലു​വ​ ​മാ​ർ​ക്ക​റ്റി​ലെ​ ​അ​വ​ശേ​ഷി​ക്കു​ന്ന​ ​തൊ​ഴി​ലാ​ളി​ക​ളു​ടേ​യും​ ​എ​ട​ത്ത​ല,​ ​കീ​ഴ്മാ​ട് ​എ​ന്നീ​ ​പ​ഞ്ചാ​യ​ത്തു​ക​ളി​ലെ​ ​കൊ​വി​ഡ് ​പോ​സി​റ്റാ​യ​വ​രു​ടെ​ ​സ​മ്പ​ർ​ക്ക​ ​പ​ട്ടി​ക​യി​ലു​ള്ള​വ​രു​ടേ​യും​ ​പി.​സി.​ആ​ർ​ ​ടെ​സ്റ്റു​ക​ൾ​ ​ഉ​ട​ൻ​ ​ന​ട​ത്ത​ണ​മെ​ന്നും​ ​എം.​എ​ൽ.​എ​ ​ആ​വ​ശ്യ​പ്പെ​ട്ടി​ട്ടു​ണ്ട്.​ ​ക​ഴി​ഞ്ഞ​ ​ദി​വ​സം​ ​ആ​ലു​വ​യി​ൽ​ 173​ ​പേ​ർ​ക്ക് ​കൊ​വി​ഡ് ​ടെ​സ്റ്റ് ​ന​ട​ത്തി​യി​രു​ന്നു.