പറവൂർ : കെ.കെ. മഹേശ്വന്റെ ആത്മഹത്യയുമായി ബന്ധപ്പെട്ട് എസ്.എൻ.ഡി.പി യോഗത്തേയും യോഗം നേതൃത്വത്തേയും പൊതുജന സമക്ഷത്തിൽ താറടിച്ചു കാണിക്കുവാനും സമുദായ ഐക്യത്തെ തകർക്കുവാനും ശ്രമിക്കുന്ന പ്രവർത്തനങ്ങൾക്കെതിരെ പറവൂർ എസ്.എൻ.ഡി.പി യൂണിയൻ യൂത്ത് മൂവ്മെന്റ് ശക്തമായി പ്രതിഷേധിച്ചു.
കള്ളക്കേസുകൾ ചമച്ച് യോഗം നേതൃത്വത്തെ അവഹേളിക്കുവാനും അപമാനിക്കുവാനും ശ്രമിക്കുന്നവർക്കെതിരെ യോഗം ശക്തമായ താക്കീത് നൽകി. സമുദായ നന്മക്കായി പ്രവർത്തിക്കുന്ന യോഗം ജനറൽ സെക്രട്ടറിക്കും സംഘടനാ നേതാക്കൾക്കും യൂത്ത് മൂവ്മെന്റ് പൂർണ്ണ പിന്തുണ പ്രഖ്യാപി​ച്ചു.

യൂത്ത് മൂവ്മെന്റ് പ്രസിഡന്റ് അഡ്വ. പ്രവീൺ തങ്കപ്പൻ അദ്ധ്യക്ഷത വഹിച്ചു. എസ്.എൻ.ഡി.പി യോഗം പറവൂർ യൂണിയൻ സെക്രട്ടറി ഹരി വിജയൻ, യൂത്ത് മൂവ്മെന്റ് സെക്രട്ടറി അനീഷ് തുരുത്തിപ്പുറം, വൈസ് പ്രസിഡന്റ് വിജേഷ് തത്തപ്പിള്ളി തുടങ്ങിയവർ സംസാരിച്ചു.