ആലുവ: എസ്.എൻ.ഡി.പി യോഗത്തെ രാജ്യത്തെ ഏറ്റവും വലിയ സാമുദായിക പ്രസ്ഥാനമാക്കിയ ജനറൽ സെക്രട്ടറി വെള്ളാപ്പള്ളി നടേശനും യോഗ നേതൃത്വത്തിനും പൂർണ പിന്തുണ പ്രഖ്യാപിക്കുന്നതായി ആലുവ യൂണിയൻ പ്രസിഡന്റ് വി. സന്തോഷ് ബാബു, സെക്രട്ടറി എ.എൻ. രാമചന്ദ്രൻ എന്നിവർ പറഞ്ഞു.

ജനറൽ സെക്രട്ടറിയെയും യോഗ നേതൃത്വത്തെയും അപകീർത്തിപ്പെടുത്താൻ ശ്രമി​ക്കുന്നവർക്കെതി​രെ ശക്തമായ നടപടി സ്വീകരിക്കണം. സമുദായത്തെ വഞ്ചിച്ച് സ്വന്തം നേട്ടങ്ങൾക്ക് വേണ്ടി​ പ്രവർത്തി​ച്ചവരും സമുദായം തള്ളി​ക്കളഞ്ഞവരുമാണ് ​ഇക്കൂട്ടർ.

അഴിമതിയിലൂടെ സ്വത്തുക്കൾ സമ്പാദിച്ചവരും ചില രാഷ്ടീയ തമ്പുരാക്കൻമാരും എസ്.എൻ.ഡി​.പി​ യോഗത്തി​നും സമുദായനന്മയ്ക്കുമെതി​രെ കൈകോർക്കുന്നത് എന്തി​നാണെന്ന് ശ്രീനാരായണീയ സമൂഹം തിരിച്ചറി​യും. കപട സമുദായ സ്നേഹി​കളായ ഇവരെ അർഹി​ക്കുന്ന അവജ്ഞയോടെ സമുദായം തള്ളി​ക്കളയുമെന്നും വി. സന്തോഷ് ബാബുവും എ.എൻ. രാമചന്ദ്രനും പറഞ്ഞു.