കിഴക്കമ്പലം: കുന്നത്തുനാട് പഞ്ചായത്തിന്റെ കീഴിലുള്ള നവീകരിച്ച ചെങ്ങര ഹെൽത്ത് സബ് സെന്ററിന്റെ ഉദ്ഘാടനം ബെന്നി ബഹനാൻ എം.പി നിർവഹിച്ചു. പഞ്ചായത്ത് പ്രസിഡന്റ് കെ.കെ പ്രഭാകരൻ അദ്ധ്യക്ഷത വഹിച്ചു. വി.പി സജീന്ദ്രൻ എം.എൽ. എ മുഖ്യാതിഥിയായി.ആശുപത്രിയുടെ താക്കോൽ ദാനം അഗാപ്പെ എം.ഡി തോമസ് ജോൺ നിർവഹിച്ചു. ജില്ലാ പഞ്ചായത്തംഗം ജോർജ് ഇടപ്പരത്തി, പഞ്ചായത്ത് വൈസ് പ്രസിഡന്റ് നെസി ഉസ്മാൻ, പഞ്ചായത്തംഗങ്ങളായ എ.പി കുഞ്ഞുമുഹമ്മദ്. കെ.എം സലീം, ജെസി ഷാജി തുടങ്ങിയവർ സംബന്ധിച്ചു. പട്ടിമറ്റം അഗാപ്പെ ഡയഗ്‌നോസ്റ്റിക് ലിമിറ്റഡിന്റെ സി.എസ്.ആർ ഫണ്ടിൽ നിന്ന് 35 ലക്ഷം രൂപ മുടക്കിയാണ് നിർമ്മാണം പൂർത്തീകരിച്ചത്. ആശുപത്രിയിൽ അഗാപ്പെയുടെ നേതൃത്വത്തിൽ സ്ഥിരം ലാബോറട്ടറി സൗകര്യം ഏർപ്പെടുത്തും.