റാന്നി: സ്വാതന്ത്ര്യ സമര സേനാനി റാന്നി വളഞ്ഞന്തുരുത്തിൽ ഷെവലിയാർ ജേക്കബ് സ്റ്റീഫൻ (98) നിര്യാതനായി. സംസ്കാരം ഇന്ന് വൈകിട്ട് 3ന് റാന്നി സെന്റ്തോമസ് ക്നാനായ വലിയ പള്ളിയിൽ. കോൺഗ്രസിൽ വിവിധ ചുമതലകളിൽ പ്രവർത്തിച്ചിരുന്ന അദ്ദേഹം പിന്നീട് കേരള കോൺഗ്രസ് റാന്നി നിയോജകമണ്ഡലം പ്രസിഡന്റായി. തുടർന്ന് കേരള കോൺഗ്രസ് ജേക്കബ് ഗ്രൂപ്പിന്റെ ഭാഗമായി. റാന്നി സെന്റ്തോമസ് കോളേജിന്റെ സ്‌ഥാപകരിൽ ഒരാളും ക്നാനായ സമുദായ സെക്രട്ടറിയുമായിരുന്നു. ക്നാനായ സമുദായത്തിന്റെ "എസെസ്സാ" മാസികയുടെ ചീഫ് എഡിറ്റർ, "ക്നാനായ ദീപം" മാസികയുടെ എഡിറ്റോറിയൽ ബോർഡംഗം തുടങ്ങിയ നിലകളിലും പ്രവർത്തിച്ചു.
'പിന്നിട്ട പടവുകൾ', 'സായാഹ്‌ന സമരണകൾ', 'മേഘപാളികൾക്കപ്പുറത്ത്' എന്നീ പുസ്തകങ്ങൾ രചിച്ചിട്ടുണ്ട്. ഭാര്യ: നീലമ്പേരൂർ പാറേൽ കുടുംബാംഗം പരേതയായ സാറാമ്മ. മക്കൾ : രവി ജേക്കബ് (വ്യവസായി) , കുഞ്ഞൂഞ്ഞമ്മ, മറിയാമ്മക്കുട്ടി, ഐഷ.
മരുമക്കൾ: പരേതനായ എം.സി. എബ്രഹാം മേപ്പാരത്തിൽ, പരേതനായ പ്രൊഫ. കെ.സി. കുര്യാക്കോസ് കുന്നിരിക്കൽ, കെ.കെ.തോമസ് അമ്പൂരാൻ (ഫെഡറൽ ബാങ്ക്), രജീന ജേക്കബ് താമരപ്പള്ളി.