പറവൂർ : പുനർജനി പറവൂരിന് പുതുജീവൻ പദ്ധതിയിൽ പ്രളയാനന്തര പുനർനിർമ്മാണ പ്രവർത്തനങ്ങളുടെ ഭാഗമായി ഇന്ന് ഏഴ് വീടുകളുടെ തറക്കല്ലിടൽ വി.ഡി. സതീശൻ എം.എൽ.എ നിർവഹിക്കും. കോട്ടുവള്ളി പഞ്ചായത്തിൽ നാലും വരാപ്പുഴ, ഏഴിക്കര, പുത്തൻവേലിക്കര പഞ്ചായത്തുകളിൽ ഒന്നുവീതം വീടുകളുമാണ് നിർമ്മിക്കുന്നത്. റോട്ടറി ഡിസ്ട്രിക്ട്, ആസ്റ്റർ ഹോംസ് എന്നിവയുടെ സംയക്ത സഹകരണത്തോടെയാണ് നിർമ്മാണം പൂർത്തിയാക്കുന്നത്.