കൊച്ചി: കടലാക്രമണവും കൊവിഡുംമൂലം ദുരിതമനുഭവിക്കുന്ന ചെല്ലാനത്തെ ജനങ്ങൾക്കായി എറണാകുളം - അങ്കമാലി അതിരൂപതയുടെ സാമൂഹ്യസേവന വിഭാഗമായ സഹൃദയ 5 ടൺ ഭക്ഷ്യവസ്തുക്കളും സാമ്പത്തിക സഹായവും വിതരണം ചെയ്തു. ചെല്ലാനത്തെ ട്രിപ്പിൾലോക്ക് ഡൗണിന്റെ പശ്ചാത്തലത്തിൽ പൊലീസിന്റെയും ആലപ്പുഴ, കൊച്ചി രൂപതകളുടെ സാമൂഹ്യസേവന വിഭാഗത്തിന്റെയും സഹകരണത്തോടെയാണ് വീടുകളിൽ എത്തിച്ചത്. ഭക്ഷ്യവസ്തുക്കളുമായി പുറപ്പെട്ട വാഹനം കൊച്ചി സിറ്റി പൊലീസ് അസിസ്റ്റന്റ് കമ്മീഷണർ കെ. ലാൽജി ഫ്ലാഗ് ഓഫ് ചെയ്തു. സഹൃദയ ഡയറക്ടർ ഫാ. ജോസ് കൊളുത്തുവള്ളിൽ, അസിസ്റ്റന്റ് ഡയറക്ടർമാരായ ഫാ. പീറ്റർ തിരുതനത്തിൽ, ഫാ. ജിനോ ഭരണികുളങ്ങര എന്നിവർ നേതൃത്വം നൽകി.