കൊച്ചി: എറണാകുളം മഹാരാജാസ് കോളേജിലെ മലയാള വിഭാഗം കല, സാഹിത്യം, സമൂഹം ഭാവി ഉൽകണ്ഠകൾ എന്ന പേരിൽ സംഘടിപ്പിക്കുന്ന അന്താരാഷ്ട്ര വെബിനാർ പരമ്പരയിലെ രണ്ടാമത്തെ പ്രഭാഷണം പ്രശസ്ത സാമൂഹ്യ ചിന്തകൻ ഡോ. ടി.ടി. ശ്രീകുമാർ നിർവഹിച്ചു. എം.ഗോവിന്ദനും നവോത്ഥാനാനന്തര ആധുനികതയും എന്ന വിഷയത്തിലായിരുന്നു പ്രഭാഷണം. കോളേജ് പ്രിൻസിപ്പാൾ ഡോ.കെ.ജയകുമാർ അദ്ധ്യക്ഷത വഹിച്ചു. വകുപ്പ് മേധാവിയും പ്രശസ്ത കവിയുമായ എസ്.ജോസഫ്,​ ഡോ. ഇഎസ് റഷീദ്,​ഡോ. സെലിൻ എസ്. എൽ. എന്നിവർ സംസാരിച്ചു. ഡോ. സുമി ജോയി ഓലിയപ്പുറം മോഡറേറ്ററായിരുന്നു. പരമ്പരയിലെ അടുത്ത പ്രഭാഷണം കാലടി സംസ്‌കൃത സർവകലാശാല ശില്പകലാ വിഭാഗം അദ്ധ്യാപകൻ എം.പി. നിഷാദ് സമകാലീന കലാ വഴക്കങ്ങൾ എന്ന വിഷയത്തിൽ ആഗസ്റ്റ് 5 2020 വൈകിട്ട് 3ന് നടത്തും.