തൃക്കാക്കര : കൊവിഡ് പടർന്നുപിടിക്കുന്ന സാഹചര്യത്തിൽ ബലിപെരുന്നാൾ ചടങ്ങുകൾക്ക് മുൻകരുതലുകളും നിയന്ത്രണങ്ങളും നിർദേശിച്ച് ജില്ലാ കളക്ടർ എസ്. സുഹാസ് ഉത്തരവിറക്കി.
1. ആഘോഷങ്ങൾക്ക് കൊവിഡ് മാനദണ്ഡങ്ങൾ പാലിക്കണം.
2. ആഘോഷങ്ങൾ ചുരുക്കി ചടങ്ങുകൾ മാത്രമാക്കണം.
3. പെരുന്നാൾ നമസ്കാരം പള്ളികളിൽ പരിമിതപ്പെടുത്തണം. ഈദ് ഗാഹുകൾ ഒഴിവാക്കണം. വീടുകളിൽ അഞ്ചുപേർ മാത്രമേ പങ്കെടുക്കാവൂ.
4. താപനില പരിശോധന നടത്തണം. ടൗണിലെ പള്ളികളിൽ അപരിചിതരെ ഒഴിവാക്കണം.
5. പെരുന്നാൾ നമസ്കാരത്തിന് പരമാവധി 100 പേരെ മാത്രമേ അനുവദിക്കൂ. സാമൂഹിക അകലം പാലിക്കുന്നുണ്ടെന്ന് ഉറപ്പാക്കണം
6. ബലി കർമത്തിന്റെ സമയത്തും മാംസം വീട്ടിൽ എത്തിച്ചു നൽകുമ്പോഴും ആരോഗ്യവകുപ്പിന്റെ നിർദേശങ്ങൾ പാലിക്കണം. കണ്ടെയ്ൻമെന്റ് സോണുകളിൽ മാംസവിതരണം അനുവദിക്കില്ല. വിതരണം നടത്തുന്നവർ വീടുകളുടെയും ആളുകളുടെയും വിവരങ്ങൾ രജിസ്റ്ററിൽ രേഖപ്പെടുത്തണം
7. കണ്ടെയ്ൻമെന്റ് സോണുകളിൽ ബലികർമം പാടില്ല.