കോലഞ്ചേരി : നിർദ്ധന കുടുംബത്തിന് കൈത്താങ്ങായി കോലഞ്ചേരി ബി. എം.എസ് മോട്ടോർ തൊഴിലാളിസംഘം. കോലഞ്ചേരി ഓട്ടോ സ്​റ്റാൻഡിലെ ഓട്ടോ തൊഴിലാളിയായ പാലയ്ക്കാമോളം നീലാങ്കൽ എൽദോസിന്റെ കുട്ടിയുടെ ചികിത്സയ്ക്കുവേണ്ടി ബി.എം.എസ് പ്രവർത്തകർ തുക കണ്ടെത്തി നൽകി. മേഖലാ ജോയിന്റ് സെക്രട്ടറി വി.എ വൽസന്റെ നേതൃത്വത്തിൽ സമാഹരിച്ച തുക മേഖലാ പ്രസിഡന്റ് കെ. എ സാജു കൈമാറി. യൂണി​റ്റ് പ്രസിഡന്റ് ഇ.കെ. രാജപ്പൻ, പി.കെ. ഗോപാലൻ, വിനുഷാജി എന്നിവർ പങ്കെടുത്തു.