കൊച്ചി: വെണ്ണല സർവീസ് സഹകരണബാങ്കിന്റെ നേതൃത്വത്തിൽ സൗജന്യ ഔഷധക്കഞ്ഞി വിതരണം ചെയ്തു. ഡോ. സരിതാ മഹേഷ് കോളാപ്പിള്ളി വിതരണോദ്ഘാടനം നിർവഹിച്ചു. ബാങ്ക് പ്രസിഡന്റ് അഡ്വ.എ.എൻ. സന്തോഷ് അദ്ധ്യക്ഷനായി. എസ്. മോഹൻദാസ്, ആശാ കലേഷ്, കെ.ജി. സുരേന്ദ്രൻ, മിനി കെ. നായർ, സെക്രട്ടറി എം.എൻ. ലാജി, ടി.സി. മായ എന്നിവർ പങ്കെടുത്തു. പച്ചനെല്ലു കുത്തിയ അരിയിൽ ഞവര, ആശാളി, ഉലുവ, ജീരകം, തേങ്ങ, നെയ്യ്, ഇന്തുപ്പ് എന്നിവയോടൊപ്പം പരിസരപ്രദേശങ്ങളിൽ നിന്നു ശേഖരിച്ച 18 ഇനം പച്ചമരുന്നുകളും ചേർത്താണ് കഞ്ഞിതയ്യാറാക്കുന്നത്. കൊവിഡ് നിയന്ത്രണങ്ങൾ പാലിച്ച് വൈകിട്ട് നാലുമുതൽ 6.30 വരെ വിതരണം ചെയ്യും.