കോലഞ്ചേരി: കടൽക്ഷോഭവും കൊവിഡ് വ്യാപനവും മൂലം അവശതയനുഭവിക്കുന്ന ചെല്ലാനം നിവാസികൾക്ക് ബി.ജെ.പി കുന്നത്തുനാട് നിയോജക മണ്ഡലം കമ്മി​റ്റിയുടെ കൈത്താങ്ങ്. മണ്ഡലത്തിന്റെ വിവിധ പഞ്ചായത്തുകളിൽ നിന്നുള്ള ഉത്പന്ന ശേഖരണത്തിന്റെ ഉദ്ഘാടനം പട്ടിമ​റ്റം ആർ.എസ്.എസ് കാര്യാലയത്തിൽ തിരുവാണിയൂർ പഞ്ചായത്ത് സമിതി അദ്ധ്യക്ഷൻ വിനയൻ വാത്യാത്തിൽ നിന്ന് മുതിർന്ന കാര്യകർത്താവ് രാജപ്പൻ ഏ​റ്റുവാങ്ങി. നിയോജകമണ്ഡലം ജനറൽ സെക്രട്ടറി പി.കെ. ഷിബു, തിരുവാണിയൂർ പഞ്ചായത്ത് സമിതി സെകട്ടറി കെ.ആർ. അരുൺകുമാർ, രൂപേഷ് മേനോൻ തുടങ്ങിയവർ സംബന്ധിച്ചു.