കോലഞ്ചേരി: ഐക്കരനാട് പഞ്ചായത്തിലെ വിരിപ്പ് സീസൺ നെൽകൃഷി ചെയ്തിട്ടുള്ള കർഷകർ നിർദ്ദിഷ്ട ഫോറത്തിൽ തന്നാണ്ട് കരം അടച്ച രസീത്, ബാങ്ക് പാസ് ബുക്ക്, ആധാർ കാർഡ് എന്നിവയുടെ കോപ്പി സഹിതം മൂന്ന് സെ​റ്റ് അപേക്ഷ പാടശേഖര സമിതി പ്രതിനിധികളുടെ കൈവശമോ, കൃഷി ഭവനിലോ 5 നകം നൽകണം.സെന്റിന് ഒരു രൂപ നിരക്കിൽ ഇൻഷ്വറൻസ് തുക അപേക്ഷയോടൊപ്പം ഏൽപ്പിക്കേണ്ടതാണ്.3 വർഷത്തിലധികം മ​റ്റ് കാർഷിക ജോലികൾ ചെയ്യാതെ, തരിശായി കിടന്നിരുന്ന പുരയിടങ്ങളിൽ പച്ചക്കറി കൃഷി ചെയ്തിട്ടുള്ള കർഷകർ നിർദ്ദിഷ്ട ഫോറത്തിൽ തന്നാണ്ട് കരം അടച്ച രസീത്, ബാങ്ക് പാസ് ബുക്ക്, ആധാർ കാർഡ് എന്നിവയുടെ ഓരോ കോപ്പികൾ വീതം ഒരു സെ​റ്റ് അപേക്ഷ കൃഷിഭവനിൽ എത്തിക്കണം. ഇതോടൊപ്പം കൃഷി സ്ഥലം ഒരുക്കും മുമ്പുള്ള ഫോട്ടോയും നിർബന്ധമായും നൽകണം