മുംബയ്: മുകേഷ് അംബാനി നയിക്കുന്ന റിലയൻസ് ഇൻഡസ്‌ട്രീസിന്റെ ഡിജിറ്റൽ/ടെലികോം വിഭാഗമായ ജിയോ പ്ളാറ്ര്‌ഫോംസിൽ ഗൂഗിൾ 400 കോടി ഡോളർ (ഏകദേശം 30,​000 കോടി രൂപ)​ നിക്ഷേപിച്ചേക്കും. കഴിഞ്ഞ മൂന്നുമാസത്തിനിടെ ഫേസ്ബുക്ക് ഉൾപ്പെടെ ഒട്ടേറെ നിക്ഷേപകർക്ക് ജിയോയുടെ 25 ശതമാനം ഓഹരി കൈമാറി 1.17 ലക്ഷം കോടി രൂപ റിലയൻസ് നേടിയിരുന്നു. ഇതുവഴി,​ റിലയൻസിനെ കടബാദ്ധ്യതയില്ലാത്ത കമ്പനിയാക്കി മാറ്രാനും മുകേഷിന് കഴിഞ്ഞു.

അതേസമയം,​ നിക്ഷേപം സംബന്ധിച്ച് ഗൂഗിളും റിലയൻസും പ്രതികരിച്ചിട്ടില്ല. ഇന്ത്യയിൽ അടുത്ത അഞ്ചു മുതൽ ഏഴു കൊല്ലത്തിനകം 1,​000 കോടി ഡോളർ (75,​000 കോടി രൂപ)​ നിക്ഷേപിക്കുമെന്ന് ഗൂഗിളിന്റെയും മാതൃകമ്പനിയായ ആൽഫബെറ്രിന്റെയും സി.ഇ.ഒയും ഇന്ത്യൻ വംശജനുമായ സുന്ദർ പിച്ചൈ കഴിഞ്ഞദിവസം പ്രഖ്യാപിച്ചിരുന്നു.