കൊച്ചി: മിഡ്സൈസ് സെഡാൻ ശ്രേണിയിൽ ഹോണ്ട അവതരിപ്പിച്ച ജനപ്രിയ മോഡലായ സിറ്റിയുടെ അഞ്ചാംതലമുറ എഡിഷൻ ഇന്ത്യൻ വിപണിയിലെത്തി. ജപ്പാനിലെ തെച്ചിഗീയിലുള്ള ഹോണ്ടയുടെ ആർ ആൻഡ് ഡി സെന്ററിലാണ് പുത്തൻ സിറ്രി വികസിപ്പിച്ചത്. നീളവും വീതിയും വർദ്ധിപ്പിച്ചാണ് പുത്തൻ സിറ്രിയുടെ അവതരണം. പെട്രോൾ,​ ഡീസൽ പതിപ്പുകളുണ്ട്.

ഹോണ്ട സുപ്പീരിയർ എർത്ത് ഡ്രീംസ് ടെക്‌നോളജിയോട് കൂടിയ,​ ബി.എസ്-6 ചട്ടം പാലിക്കുന്ന പുതിയ 1.5 ലിറ്റർ ഐ-വിടെക് ഡി.ഒ.എച്ച്.സി പെട്രോൾ എൻജിൻ,​ ഇന്ത്യക്കായി പ്രത്യേകം നിർമ്മിച്ച 1.5 ലിറ്റർ ഐ-ഡിടെക് ഡീസൽ എൻജിൻ എന്നിവയാണുള്ളത്. 4.5 മീറ്റർ നീളം,​ 1.7 മീറ്റർ വീതി എന്നിവ ശ്രേണിയിലെ വലിയ വാഹനം എന്ന പെരുമ പുത്തൻ സിറ്റിക്ക് നൽകുന്നു. 1,​489 എം.എം ആണ് ഉയരം. വീൽബേസ് 2.6 മീറ്രർ. പുതിയ 6-സ്‌പീഡ് മാനുവൽ ട്രാൻസ്‌മിഷൻ,​ 7-സ്‌പീഡ് കണ്ടിന്യുവസ്‌ലി വേരിയബിൾ ട്രാൻസ്‌മിഷൻ (സി.വി.ടി)​ എന്നിവയാണ് പെട്രോൾ എൻജിനൊപ്പമുള്ള ഗിയർ ഓപ്‌ഷനുകൾ.

6-സ്‌പീഡ് വേരിയന്റ് ലിറ്രറിന് 17.8 കിലോമീറ്ററും 7-സ്‌പീഡ് സി.വി.ടി പതിപ്പ് 18.4 കിലോമീറ്ററും മൈലേജ് നൽകും. 6-സ്‌പീഡ് മാനുവൽ ഗിയർ സംവിധാനമുള്ള ഡീസൽ പതിപ്പ് വാഗ്‌ദാനം ചെയ്യുന്ന മൈലേജ് ലിറ്രറിന് 24.1 കിലോമീറ്റർ. ആകർഷകമായ രൂപഭംഗി,​ മികവുറ്റ ഒട്ടനവധി ഫീച്ചറുകൾ എന്നിവയാൽ സമ്പന്നമായ പുത്തൻ സിറ്റി റേഡിയന്റ് റെഡ് മെറ്രാലിക്,​ പ്ളാറ്രിനം വൈറ്ര് പേൾ,​ മോഡേൺ സ്‌റ്രീൽ മെറ്രാലിക്,​ ലൂണാർ സിൽവർ മെറ്രാലിക്,​ ഗോൾഡൻ ബ്രൗൺ മെറ്രാലിക് എന്നീ നിറഭേദങ്ങളിൽ ലഭിക്കും.

വി.,​ വി.എക്‌സ്.,​ സെഡ്.എക്‌സ് വേരിയന്റുകളിലാണ് പുത്തൻ സിറ്റി എത്തുന്നത്. പെട്രോൾ പതിപ്പിന് എക്‌സ്‌ഷോറൂം വില 10.89 ലക്ഷം രൂപ മുതൽ. ഡീസലിന് 12.39 ലക്ഷം രൂപ മുതൽ.