ഇടുക്കി: കഴിഞ്ഞ നാല് ദിവസത്തിനിടെ 17 പ്രവാസികൾ കൂടി ഇടുക്കിയിലേക്ക് മടങ്ങിയെത്തി. എട്ട് രാജ്യങ്ങളിൽ നിന്നായി 13 പുരുഷൻമാരും 4 സ്ത്രീകളുമാണ് കൊച്ചി, തിരുവനന്തപുരം, കോഴിക്കോട് എയർപോർട്ടുകൾ വഴി നാട്ടിലേക്ക് മടങ്ങിയെത്തിയത്. ആരോഗ്യ പരിശോധനകൾക്ക് ശേഷം ഇതിൽ എട്ട് പേരെ വീടുകളിലും എട്ട് പേരെ പെയ്ഡ് ക്വാറന്റൈൻ സെന്ററിലും നിരീക്ഷണത്തിൽ പാർപ്പിച്ചു. തമിഴ്‌നാട് സ്വദേശികളായ ഒരാളെ അതിർത്തിയിലെത്തിച്ച് തമിഴ്‌നാട് അധികൃതർക്ക് കൈമാറി.

നാട്ടിലെത്തിയവരുടെ എണ്ണം താലൂക്ക് അടിസ്ഥാനത്തിൽ: തൊടുപുഴ 6, ഇടുക്കി 3, ഉടുമ്പൻചോല 3, പീരുമേട് 3, ദേവികുളം 1. ഇതുകൂടാതെ തമിഴ്‌നാട് തേനി ജില്ലയിലെ ഒരാളും ഇടുക്കിയിലേക്കാണെത്തിയത്.