ഇടുക്കി : ഖാദിഗ്രാമ വ്യവസായ ബോർഡ് നടപ്പിലാക്കുന്ന എന്റെ ഗ്രാമം പ്രത്യേക തൊഴിൽദാന പദ്ധതി പ്രകാരം പരമാവധി അഞ്ച് ലക്ഷം വരെ മുതൽമുടക്കുള്ള വിവിധ വ്യവസായങ്ങൾ തുടങ്ങുന്നതിന് അപേക്ഷ ക്ഷണിച്ചു. ബാങ്ക് മുഖേനയുള്ള വായ്പക്ക് എസ്.സി, എസ്.റ്റി, പ്രവാസികൾ എന്നിവർക്ക് 40 ശതമാനവും വനിതകൾ, പിന്നോക്കവിഭാഗക്കാർ എന്നിവർക്ക് 30 ശതമാനവും , ജനറൽ വിഭാഗങ്ങൾക്ക് 25 ശതമാനവും മാർജിൻ മണി ലഭിക്കും. കൂടുതൽ വിവരങ്ങൾക്ക് തൊടുപുഴയിലുള്ള ജില്ലാ ഖാദിഗ്രാമ വ്യവസായ ഓഫീസുമായി ബന്ധപ്പെടണം. ഫോൺ 04862 222344.