ഇടുക്കി:2019 ലെ ലോക ടൂറിസം ദിനാചരണത്തിന്റെ ഭാഗമായി ഇടുക്കി ജില്ലാ ടൂറിസം പ്രൊമോഷൻ കൗൺസിൽ 'സഞ്ചാരവും പ്രകൃതിയും' എന്ന വിഷയത്തിൽ നടത്തിയ ഫോട്ടോ ഗ്രാഫി മത്സര ജേതാക്കളുടെ സമ്മാന വിതരണം നടത്തി. കളക്ടറേറ്റിൽ നടത്തിയ പരിപാടിയിൽ റോഷി അഗസ്റ്റിൻ എം.എൽ.എയും ജില്ലാ കളക്ടർ എച്ച്. ദിനേശനും ചേർന്ന് ഒന്നും രണ്ടും സ്ഥാനങ്ങൾ ലഭിച്ചവർക്ക് ക്യാഷ് പ്രൈസ് നൽകി. ഒന്നാം സമ്മാനം ടെൻസിംഗ്‌പോൾ തൊടുപുഴയും രണ്ടാം സമ്മാനം ഗിരിജൻ ആർ. ചെറുതോണി, ബിബിൻ സേവ്യർ എന്നിവരാണ് നേടിയത്. സമ്മാനാർഹരായവരെ നിശ്ചയിച്ചത് ഹരിലാൽ കെ.ആർ. (ശിൽപചിത്ര, ഇടുക്കി), അർജ്ജുൻ ലാൽ (എൻ.ഐ.ഡി) അയോൺജോസഫ് (ഫിലിം ഇൻസ്റ്റിറ്റിയൂട്ട്, തിരവനന്തപുരം) എന്നിവരടങ്ങിയ പാനലാണ്.