ചെറുതോണി: നയതന്ത്ര ബാഗിൽ കോടിക്കണക്കിന് രൂപയുടെ സ്വർണ്ണം കടത്താൻ ഒത്താശചെയ്ത പിണറായി വിജയൻ സർക്കാരിനെതിരെ മുഖ്യമന്ത്രിയുടെ കോലത്തിൽ പ്രതീകാത്മകമായി ആഭരണം ചാർത്തി യൂത്ത് ഫ്രണ്ട് (എം) ജോസഫ് വിഭാഗം ഇടുക്കി ജില്ലാ കമ്മിറ്റി പ്രതിഷേധിച്ചു. യൂത്ത് ഫ്രണ്ട് (എം) ജില്ലാ പ്രസിഡന്റ് അഡ്വ. എബി തോമസ് സമരം ഉദ്ഘാടനം ചെയ്തു. കെ.എസ്.സി ജില്ലാ പ്രസിഡന്റ് എബിൻ വാട്ടപ്പിള്ളിൽ, ജില്ലാ വൈസ് പ്രസിഡന്റ് ഉദീഷ് ഫ്രാൻസീസ്, നിയോജക മണ്ഡലം പ്രസിഡന്റുമാരായ ജോമറ്റ് ജോസഫ്, നോബിൾ ദേവികുളം, ജിബിൻ ഉടുമ്പൻചോല, ഷിനിൽ പൊലിയിൽ, അനൂപ് ജോസഫ്,ഷിബിൻ നടക്കൽ, ബെന്നി പുതുപ്പാടി, ജിബിൻ, ബിനു എന്നിവർ പ്രസംഗിച്ചു.