തൊടുപുഴ: ജില്ലയിൽ ഇന്നലെ അഞ്ച് പേർക്ക് കൊവിഡ്- 19 സ്ഥിരീകരിച്ചു. ഇതിൽ ആരോഗ്യ പ്രവർത്തകയുടെ രോഗത്തിന്റെ ഉറവിടം കണ്ടെത്താനായില്ല. നാല് പേരുടെ രോഗം ഭേദമായി. ഇതോടെ രോഗം ബാധിച്ച് ചികിത്സയിലുള്ളവരുടെ എണ്ണം 98 ആയി.

രോഗം സ്ഥിരീകരിച്ചവർ
 ചിന്നക്കനൽ പ്രാഥമികാരോഗ്യ കേന്ദ്രത്തിലെ സ്റ്റാഫ് നഴ്സ് (28) . മെയ് 31ന് ഹൈദ്രബാദിൽ നിന്ന് വന്ന് നിരീക്ഷണക്കാലാവധി പൂർത്തിയാക്കിയിരുന്നു. പിന്നീട് ബന്ധുവിനൊപ്പം എറണാകുളത്തേക്ക് പോയി. ജൂലായ് എട്ട് വരെ ആശുപത്രിയിൽ ജോലി ചെയ്തു. ഒമ്പതിന് സ്രവപരിശോധന നടത്തി.
 ജൂൺ 26ന് ഡെൽഹിയിൽ നിന്ന് കൊച്ചിയിലെത്തിയ തൊടുപുഴ കാരിക്കോട് സ്വദേശി (46). അൾജീരിയയിൽ നിന്ന് എത്തിയ ഇദ്ദേഹം ഏഴ് ദിവസം ഡെൽഹിയിൽ നിരീക്ഷണത്തിലായിരുന്നു.
 ജൂൺ 30ന് റാസ് അൽഖൈമയിൽ നിന്ന് കൊച്ചിയിലെത്തിയ വാഴത്തോപ്പ് സ്വദേശി(31)
 ജൂൺ 28ന് ഷാർജയിൽ നിന്നെ്ത്തിയ ചക്കുപള്ളം സ്വദേശി (40)
 ജൂൺ 27ന് അബുദബിയിൽ നിന്ന് തിരുവന്തപുരത്തെത്തിയ ചക്കുപള്ളം സ്വദേശി (40). അവവിടെ നിന്ന് കെ.എസ്.ആർ.ടി.സി.യിൽ കോട്ടയത്തും ടാക്സിയിൽ വീട്ടിലുമെത്തി.

രോഗമുക്തർ
 ജൂൺ 25ന് രോഗം സ്ഥിരീകരിച്ച നെടുങ്കണ്ടം സ്വദേശി (64)
 ജൂൺ 29ന് രോഗം സ്ഥിരീകരിച്ച നെടുങ്കണ്ടം സ്വദേശി (24)
 ജൂൺ 18ന് രോഗം സ്ഥിരീകരിച്ച ചെപ്പുകുളം സ്വദേശി (44)
 ജൂൺ 26ന് രോഗം സ്ഥിരീകരിച്ച വണ്ടിപ്പെരിയാർ സ്വദേശി (45)