ജില്ലാ കളക്ടരുടെ ഓൺലൈൻ പൊതുജന പരാതി പരിഹാര അദാലത്ത സഫലം 2020 പീരുമേട് താലൂക്കിൽ (രണ്ടാംഘട്ടം) ആഗസ്റ്റ് നാലിന് സംഘടിപ്പിക്കും.പൊതുജനങ്ങൾക്ക് വിവിധ വിഷയങ്ങളിൻമേലുള്ള പരാതികൾ ഓൺലൈനായി സമർപ്പിക്കാം. മുഖ്യമന്ത്രിയുടെ ദുരിതാശ്വാസ നിധി, പ്രകൃതിക്ഷോഭം, റേഷൻകാർഡ് ബി.പി.എൽ ആക്കുന്നത് എന്നിവയൊഴികെയുള്ള വിഷയങ്ങളിൽ പരാതികൾ/ അപേക്ഷകൾ https://edistrict.kerala.gov.in/ എന്ന വെബ്‌സൈറ്റ് മുഖേന നേരിട്ടോ അക്ഷയ സെന്ററുകൾ മുഖേനയോ ജില്ലാകളക്ടർക്ക് സമർപ്പിക്കാം.

അദാലത്ത് ദിവസം താലൂക്ക് ഓഫീസ്, വില്ലേജ് ഓഫീസ് എന്നിവിടങ്ങളിലെ വീഡിയോ കോൺഫറൻസ് സംവിധാനം വഴി കോവിഡ് സുരക്ഷ മാനദണ്ഡങ്ങൾ പാലിച്ച് അപേക്ഷകർക്ക അദാലത്തിൽ പങ്കെടുക്കാം. അദാലത്തിലേക്ക് ഇന്നുമുതൽ 28 വരെ ഓൺലൈനായി അപേക്ഷ സമർപ്പിക്കാം.