ഇടുക്കി: ജില്ലയിലെ വിവിധ സർക്കാർ ആഫീസുകളിൽ കെട്ടിക്കിടക്കുന്ന പരാതികളിലും അപേക്ഷകളിലും തീർപ്പുകല്പിക്കുക എന്ന ലക്ഷ്യത്തോടെ ജില്ലാ കളക്ടർ നടത്തിവരുന്ന ഓൺലൈൻ അദാലത്തിന്റെ രണ്ടാംഘട്ടം ദേവികുളം താലൂക്കിൽ ആഗസ്റ്റ് 21ന് നടത്തും. മുഖ്യമന്ത്രിയുടെ ദുരിതാശ്വാസ നിധി, പ്രകൃതി ക്ഷോഭം, റേഷൻകാർഡ് ബി.പി.എൽ ആക്കുന്നത് എന്നിവ ഒഴികെയുള്ള വിഷയങ്ങളിൽ പരാതികളും അപേക്ഷകളും ഓൺലൈനായി tthps://edtsirict.kerala.gov.in എന്ന വെബ്‌സൈറ്റ് മുഖേനയോ അക്ഷയ സെന്ററുകളിലൂടെയോ ജൂലായ് 24 മുതൽ ആഗസ്റ്റ് 14 വരെ ജില്ലാ കളക്ടർക്കു സമർപ്പിക്കാം. അപേക്ഷകർക്ക് അദാലത്ത് ദിവസം താലൂക്ക്, വില്ലേജ് ഓഫീസുകളിൽ വീഡിയോ കോൺഫറൻസിൽ പങ്കെടുക്കാം.