കട്ടപ്പന: പീരുമേട് മാർ ബസേലിയോസ് ക്രിസ്ത്യൻ എൻജിനീയറിംഗ് കോളജിന്റെ നേതൃത്വത്തിൽ 'മികച്ച ഭാവിക്കായി എൻജിനീയറിംഗ് രംഗം' എന്ന വിഷയത്തിൽ ഇന്ന് ഉച്ചയ്ക്ക് രണ്ടിന് വെബിനാർ നടത്തും. ഫേസ്ബുക്ക് ഇന്ത്യയുടെ മുൻ ഡയറക്ടറും ഗൂഗിൾ എഷ്യാ പസഫിക് റീജിയണിന്റെ മുൻ എച്ച്.ആർ. ഡയറക്ടറും കോഴിക്കോട് ഐ.ഐ.എം. വിസിറ്റിംഗ് പ്രഫസറുമായ ഡോ. മനോജ് വർഗീസ് മുഖ്യപ്രഭാഷണം നടത്തും. മലങ്കര ഓർത്തഡോക്സ് സഭ പരമാദ്ധ്യക്ഷനും കോളജ് പ്രസിഡന്റുമായ ബസേലിയോസ് മാർത്തോമ്മ പൗലോസ് ദ്വിതിയൻ കാതോലിക്കാ ബാവാ വെബിനാർ ഉദ്ഘാടനം ചെയ്യും. അടൂർ കടമ്പനാട് മെത്രാസനാധിപൻ ഡോ. സഖറിയാസ് മാർ അപ്രേം മെത്രാപ്പോലീത്ത, കോളജ് ഡയറക്ടർ ഫാ. ജിജി പി.എബ്രഹാം, പ്രിൻസിപ്പൽ ഡോ. ജയരാജ് കൊച്ചുപിള്ള എന്നിവർ പങ്കെടുക്കും. ഫോൺ: 9447782816, 8943592534.