ഇടുക്കി: ഫിഷറീസ് വകുപ്പ് ജില്ലയിൽ നടപ്പിലാക്കിവരുന്ന ജനകീയ മത്സ്യകൃഷികക പദ്ധതിയിലേക്ക് കരാർ അടിസ്ഥാനത്തിൽ പ്രോജക്ട് കോഓർഡിനേറ്റർമാരെ നിയമിക്കുന്നതിന് അപേക്ഷ ക്ഷണിച്ചു. ഫിഷറീസ് യൂണിവേഴ്‌സിറ്റിയിൽ നിന്നോ സ്റ്റേറ്റ് അഗ്രിക്കൾച്ചറൽ യൂണിവേഴ്‌സിറ്റിയിൽ നിന്നോ നേടിയ ബി.എഫ്.എസ്.സി ബിരുദവും അല്ലെങ്കിൽ ഏതെങ്കിലും അംഗീകൃത യൂണിവേഴ്‌സിറ്റിയിൽ നിന്നും അക്വാകൾച്ചറിൽ ഉള്ള ബിരുദാനന്തര ബിരുദവും അല്ലെങ്കിൽ സുവോളജിയിലോ ഏതെങ്കിലും ഫിഷറീസ് വിഷയത്തിലോ ഉള്ള ബിരുദാനന്തരബിരുദവും ഏതെങ്കിലും സർക്കാർ വകുപ്പുകളിലോ സ്ഥാപനത്തിലോ അക്വാകൾച്ചറുമായി ബന്ധപ്പെട്ട് മൂന്ന് വർഷത്തിൽ കുറയാത്ത പ്രവൃത്തി പരിചയവുമാണ് യോഗ്യത. വെള്ളക്കടലാസിൽ തയ്യാറാക്കിയ അപേക്ഷ ബയോഡേറ്റ, വിദ്യാഭ്യാസ യോഗ്യത തെളിയിക്കുന്നതിനുള്ള രേഖകളും സ്വയം സാക്ഷ്യപ്പെടുത്തിയ പകർപ്പുകൾ എന്നിവ സഹിതം ഫിഷറീസ് അസിസ്റ്റന്റ് ഡയറക്ടറുടെ കാര്യാലയം, ഇടുക്കി, പൈനാവ് (പി.ഒ) 685603 എന്ന വിലാസത്തിൽ ഓഗസ്റ്റ് ഏഴിന് മുമ്പായി ലഭിക്കണം. വിവരങ്ങൾക്ക് ഫോൺ 04862 232550.