കണ്ണൂർ:കണ്ണൂരിൽ ഇന്നലെ ഒമ്പത് പേർക്ക് കൂടി കൊവിഡ് ബാധ സ്ഥിരീകരിച്ചു. വിദേശത്ത് നിന്നും ചെന്നൈ, ഡൽഹി എന്നിവിടങ്ങളിൽ നിന്നും എത്തിയവർക്കാണ് പുതുതായി രോഗം സ്ഥിരീകരിച്ചത്. കോവിഡ് ബാധിച്ച് വിവിധ ആശുപത്രികളിൽ ചികിൽസയിലായിരുന്ന ആറ് പേർ ഇന്നലെ രോഗമുക്തരായി.

കണ്ണൂർ വിമാനത്താവളം വഴി ജൂൺ 26ന് ദുബൈയിൽ നിന്ന് എഫ്‌സെഡ് 4811 വിമാനത്തിലെത്തിയ 38കാരനായ പെരിങ്ങത്തൂർ സ്വദേശി , ജൂൺ 29ന് ഖത്തറിൽ നിന്ന് എസ്ജി 9375 വിമാനത്തിലെത്തിയ 49കാരനായ കുറുമാത്തൂർ സ്വദേശി, ഇതേ വിമാനത്തിലെത്തിയ ഇരിക്കൂർ സ്വദേശിയായ 34കാരൻ, അതേദിവസം കരിപ്പൂർ വിമാനത്താവളം വഴി സൗദി അറേബ്യയിൽ നിന്ന് എസ്ജി 920 വിമാനത്തിലെത്തിയ ചെമ്പിലോട് സ്വദേശിയായ 46കാരൻ, ജൂൺ 24ന് ബഹറിനിൽ നിന്ന് ജിഎഫ് 7272 വിമാനത്തിലെത്തിയ ചെറുകുന്ന് സ്വദേശിയായ 30കാരൻ, ജൂൺ 28ന് ഖത്തറിൽ നിന്ന് എസ്ജി 9472 വിമാനത്തിലെത്തിയ മട്ടന്നൂർ സ്വദേശിയായ 29കാരൻ, നെടുമ്പാശ്ശേരി വിമാനത്താവളം വഴി ജൂൺ 13ന് ജെ9 1405 വിമാനത്തിലെത്തിയ തലശ്ശേരി മൂഴിക്കര സ്വദേശിയായ 50കാരൻ എന്നിവരാണ് വിദേശത്ത് നിന്ന് എത്തിയവർ.
കണ്ണൂർ വിമാനത്താവളം വഴി ജൂൺ 19ന് ഡൽഹിയിൽ നിന്ന് എഐ 425 വിമാനത്തിലെത്തിയ പട്ടുവം സ്വദേശിയായ 34കാരൻ, അന്നേ ദിവസം ചെന്നൈയിൽ നിന്ന് എത്തിയ തളിപ്പറമ്പ് സ്വദേശിയായ 40കാരൻ എന്നിവർക്കും രോഗം സ്ഥിരീകരിച്ചു.

ജില്ലാ കൊവിഡ് ട്രീറ്റ്‌മെന്റ് സെന്ററിൽ ചികിത്സയിലായിരുന്ന മുണ്ടേരി സ്വദേശിയായ 50കാരൻ, ചന്ദനക്കാംപാറ സ്വദേശിയായ 29കാരൻ, വേങ്ങാട് സ്വദേശിയായ 30കാരൻ, കരിവെള്ളൂർ സ്വദേശിയായ 52കാരൻ, പഴയങ്ങാടി സ്വദേശിയായ 25കാരി, തലശ്ശേരി ജനറൽ ആശുപത്രിയിൽ ചികിത്സയിലായിരുന്ന പന്ന്യന്നൂർ സ്വദേശിയായ 64കാരൻ എന്നിവരാണ് രോഗം ഭേദമായി ഇന്നലെ ആശുപത്രി വിട്ടത്.

507 ആകെ കൊവിഡ് ബാധിതർ

298 പേർക്ക് രോഗമുക്തി