കണ്ണൂർ : കൊവിഡ് മൂലം വിദ്യാലയങ്ങൾ തുറക്കാത്തതിനെ തുടർന്ന് കണ്ണൂർ,കാസർകോട് ജില്ലകളിലായുള്ള 200 ഓളം സ്പെഷ്യലിസ്റ്റ് അദ്ധ്യാപകർ നിയമനമില്ലാതെ കടുത്ത പ്രയാസത്തിൽ. ജോലിയും കൂലിയുമില്ലാത്ത സാഹചര്യത്തിൽ എന്തുചെയ്യണമെന്നാണ് ഇവരുടെ ചോദ്യം.

കൊവിഡ് വ്യാപനം അവസാനിച്ചാൽ പ്രശ്നം പരിഹരിക്കാമെന്ന് അധികൃതർ പറയുമ്പോഴും ഇവർക്ക് വിശ്വാസമില്ല.പൊ​തു​വി​ദ്യാ​ല​യ​ങ്ങ​ളി​ൽ ക​ലാ​കാ​യി​ക, പ്ര​വൃ​ത്തി​ പ​രി​ച​യ വി​ഷ​യ​ങ്ങ​ളാണ് ഇവർ പഠിപ്പിക്കുന്നത്. സ​മ​ഗ്ര ശി​ക്ഷ കേ​ര​ള മു​ഖേ​ന ജൂ​ൺ ഒ​ന്നു മു​ത​ൽ ന​ട​ത്തേ​ണ്ട നി​യ​മ​നം കൊ​വി​ഡ് പ​ശ്ചാത്ത​ല​ത്തി​ൽ മു​ട​ങ്ങി​യ​താ​ണ് സ്പെ​ഷ​ലി​സ്റ്റ് അ​ദ്ധ്യാ​പ​ക​ർ​ക്കു വി​ന​യാ​യ​ത്.വേ​ത​നം മു​ട​ങ്ങി​യ ഇ​വ​രും കു​ടും​ബാം​ഗ​ങ്ങ​ളും ദൈ​നം​ദി​ന ജീ​വി​ത​ത്തി​നു പ്ര​യാ​സ​പ്പെ​ടു​ക​യാ​ണ്. ഇ​ട​ക്കാ​ല ആ​ശ്വാ​സം അ​നു​വ​ദി​ക്കണമെന്ന ആവശ്യവും വിദ്യാഭ്യാസവകുപ്പ് ചെവിക്കൊണ്ടിട്ടില്ല.

നിയമനം 2016ൽ

കേ​ന്ദ്രാ​വി​ഷ്കൃ​ത സ​ർ​വ​ശി​ക്ഷ അ​ഭി​യാ​നി​നു കീ​ഴി​ൽ 2016 ഡി​സം​ബ​റി​ലാ​ണ് സം​സ്ഥാ​ന​ത്തു ആ​ദ്യ​മാ​യി പൊ​തു​വി​ദ്യാ​ല​യ​ങ്ങ​ളി​ൽ സ്പെ​ഷ​ലി​സ്റ്റ് അ​ദ്ധ്യാ​പ​ക​രെ നി​യ​മി​ച്ച​ത്. അ​ദ്ധ്യ​യ​ന​വ​ർ​ഷ​ത്തേ​യ്ക്ക് ക​രാ​ർ വ്യ​വ​സ്ഥ​യി​ലാ​യി​രു​ന്നു നി​യ​മ​നം. 28,000 രൂ​പ​യാ​യി​രു​ന്നു പ്ര​തി​മാ​സ വേ​ത​നം.