കണ്ണൂർ:ടെക്സ്റ്റൈൽ കോർപ്പറേഷനും എട്ട് സ്പിന്നിംഗ് മില്ലുകളും ഉൾപ്പെടെ കെടുകാര്യസ്ഥതയും ധൂർത്തും മൂലം നഷ്ടത്തിലോടുന്ന 26 പൊതുമേഖലാ സ്ഥാപനങ്ങളെ ലാഭത്തിലാക്കാൻ പ്രവർത്തന മൂലധനമായി 30 കോടി രൂപ സർക്കാർ അനുവദിച്ചു.

മൂന്നുവർഷമായി നഷ്ടത്തിലായ കേരള സ്‌റ്റേറ്റ് ടെക്​സ്​റ്റൈൽ കോർപ്പറേഷന് മൂന്ന് കോടിയും സർക്കാരിന്​ വൻ ബാദ്ധ്യതയായ ടെക്സ്‌ഫെഡിന്റെ എട്ട്​ സ്​പിന്നിംഗ്​ മില്ലുകൾക്ക് 3.75 കോടിയും അനുവദിച്ചിട്ടുണ്ട്​. ആലപ്പി, കൊല്ലം, തൃശൂർ, മലപ്പുറം, കണ്ണൂർ സ്​പിന്നിംഗ്​ മില്ലുകൾ, കുറ്റിപ്പുറം മാൽക്കോടെക്​സ്​, കോട്ടയം പ്രിയദർശിനി മിൽ എന്നിവയ്‌ക്ക്​ 50 ലക്ഷം വീതവും മാള കരുണാകരൻ സ്​മാരക മില്ലിന്​ 25 ലക്ഷവുമാണ്​ അനുവദിച്ചത്​. ഈ മില്ലുകളുടെ വാർഷിക നഷ്​ടം രണ്ട് മുതൽ ആറു കോടി വരെയാണ്​. വ്യവസായ വകുപ്പിന്റെ നിയന്ത്രണത്തിലുള്ളതും നഷ്​ടത്തിൽ ഓടുന്നതുമായ സീതാറാം ടെക്​സ്​റ്റൈൽസിനും ട്രിവാൻഡ്രം സ്​പിന്നിംഗ്​ മില്ലിനും 50 ലക്ഷം വീതം നൽകിയിട്ടുണ്ട്​.

നഷ്ടക്കണക്ക്

കണ്ണൂർ മിൽ 10.08 കോടി

മലപ്പുറം മിൽ 4.65 കോടി

മാൽക്കോടെക്​സ്​ 8.18 കോടി

പ്രിയദർശിനി 5.33 കോടി

ആലപ്പി മിൽ 7.35 കോടി.

മറ്റു പൊതുമേഖല സ്ഥാപനങ്ങൾക്കും സഹായം

ട്രാവൻകൂർ സിമൻറ്​സ്​ - 2 കോടി ​

കേരള മിനറൽസ് ഡവലപ്​മെൻറ്​ കോർപറേഷൻ - 50 ലക്ഷം

കേരള ഇലക്​ട്രിക്കൽ ആൻഡ് അലൈഡ്​ എൻജിനീയറിംഗ് കമ്പനി- 3 കോടി

ട്രാക്കോ കേബിൾ കമ്പനി- 3 കോടി

യുണൈറ്റഡ്​ ഇലക്​ട്രിക്കൽ ഇൻഡസ്​ട്രീസ്​- 1.5 കോടി

ഓട്ടോ കാസ്​റ്റ്​ ​ - 2 കോടി

കേരള ഓട്ടോ മൊബൈൽസ്​ ലിമിറ്റഡ്​ -2 കോടി

മെറ്റൽ ഇൻഡസ്​​ട്രീസ്​ - 1 കോടി

കേരള ​​ക്ളേയ്​സ്​ ആൻഡ്​ സിറാമിക്​ പ്രോഡ്​ക്​ട്​സ്​ -75 ലക്ഷം

കേരള ഹാൻഡിക്രാഫ്​റ്റ്​സ്​ കോർപറേഷൻ 1.5 കോടി