കണ്ണൂർ: പുതുതായി കൊവിഡ് ബാധ റിപ്പോർട്ട് ചെയ്യപ്പെട്ട ജില്ലയിലെ 26 തദ്ദേശ സ്വയംഭരണ വാർഡുകൾ കൂടി കണ്ടെയിൻമെന്റ് സോണുകളായി ജില്ലാ കളക്ടർ പ്രഖ്യാപിച്ചു. കണ്ണൂർ കോർപ്പറേഷൻ 19, 41 ഡിവിഷനുകളും ഇരിട്ടി 1, കീഴല്ലൂർ 12, പെരളശ്ശേരി 7, ആന്തൂർ 3, മാങ്ങാട്ടിടം 3, ചൊക്ലി 17 എന്നീ വാർഡുകളിൽ രോഗികളുടെ വീട് കേന്ദ്രമാക്കി 100 മീറ്റർ ചുറ്റളവിൽ വരുന്ന പ്രദേശമാണ് കണ്ടെയിൻമെന്റ് സോണുകളാക്കുക.
സമ്പർക്കം മൂലം രോഗബാധയുണ്ടായ കണ്ണൂർ കോർപ്പറേഷൻ 29, 54 ഡിവിഷനുകളും കടന്നപ്പള്ളി പാണപ്പുഴ 9, കൂത്തുപറമ്പ 11, 26, അഴീക്കോട് 4, 20, പരിയാരം 7, 17, എരമം കുറ്റൂർ 9, ഉളിക്കൽ 1, ചെമ്പിലോട് 7, പയ്യന്നൂർ 37, 43, പടിയൂർ കല്ല്യാട് 13, മലപ്പട്ടം 13, ചെറുകുന്ന് 7, ശ്രീകണ്ഠാപുരം 25 എന്നീ വാർഡുകളും പൂർണമായി അടച്ചിടും.