കണ്ണൂർ : ജില്ലയിൽ 42 പേർക്ക് കൂടി ഇന്ന് കൊവിഡ് സ്ഥിരീകരിച്ചു. ഇവരിൽ 11 പേർ ആരോഗ്യ പ്രവർത്തകരാണ്. വിദേശത്ത് നിന്നെത്തിയ മൂന്ന് പേർ, ഇതര സംസ്ഥാനത്ത് നിന്നെത്തിയ ഏഴ് പേർ, പരിയാരം ഗവ മെഡിക്കൽ കോളേജിലെ രോഗികളും കൂട്ടിരിപ്പുകാരുമായ 17 പേർ എന്നിവർക്കും രോഗം ബാധിച്ചു. ബാക്കി നാലു പേർക്ക് സമ്പർക്കത്തിലൂടെയാണ് രോഗബാധ. രണ്ട് പേർ കൂടി രോഗമുക്തി നേടി.

അഞ്ചരക്കണ്ടി സ്വദേശിയായ 52കാരൻ, തൃച്ചംബരം സ്വദേശിയായ 30കാരൻ, നെടുമ്പാശ്ശേരി വിമാനത്താവളം വഴി ചപ്പാരപ്പടവ് സ്വദേശിയായ 32കാരൻ എന്നിവരാണ് വിദേശത്ത് നിന്നെത്തിയവർ.വേങ്ങാട് സ്വദേശി 30കാരൻ, കടമ്പൂർ സ്വദേശിയായ 40കാരൻ, കുറ്റിയാട്ടൂർ സ്വദേശികളായ 42കാരൻ, 47കാരൻ, 25ന് നേത്രാവതി എക്സ്പ്രസിൽ ഗോവയിൽ നിന്ന് എത്തിയ പിണറായി സ്വദേശിയായ 42കാരൻ, കണ്ണൂർ സ്വദേശിയായ 30കാരൻ, 26ന് മൈസൂരിൽ നിന്ന് എത്തിയ പരിയാരം സ്വദേശിയായ 26കാരൻ എന്നിവരാണ് ഇതര സംസ്ഥാനങ്ങളിൽ നിന്നെത്തിയവർ.

കണ്ണൂർ ഗവ. മെഡിക്കൽ കോളേജ് ക്ലസ്റ്ററിൽ 10 ആരോഗ്യ പ്രവർത്തകർക്കും രോഗികളും കൂട്ടിരിപ്പുകാരുമായ 17 പേർക്കുമാണ് രോഗബാധയുണ്ടായത്. കോട്ടയം സ്വദേശിയായ 32കാരൻ, കോഴിക്കോട് സ്വദേശിയായ 26കാരൻ, പാലക്കാട് ആലത്തൂർ സ്വദേശിയായ 25കാരി, സ്റ്റാഫ് നഴ്സുമാരായ ചെറുതാഴം സ്വദേശിയായ 35കാരി, ചപ്പാരപ്പടവ് സ്വദേശിയായ 35കാരി, ചെങ്ങളായി സ്വദേശിയായ 34കാരി, പരിയാരം സ്വദേശിയായ 47കാരി, ചെറുതാഴം സ്വദേശിയായ 38കാരി, പരിയാരം സ്വദേശിയായ 37കാരി, നഴ്സിംഗ് അസിസ്റ്റന്റ് വേങ്ങാട് സ്വദേശിയായ 24കാരൻ എന്നിവരാണ് കണ്ണൂർ ഗവ. മെഡിക്കൽ കോളേജിൽ രോഗബാധയുണ്ടായ ആരോഗ്യ പ്രവർത്തകർ.
എരമം കുറ്റൂർ സ്വദേശികളായ 41കാരൻ, 49കാരൻ, മുണ്ടേരി സ്വദേശികളായ 40കാരൻ, 47കാരൻ, കൂത്തുപറമ്പ് സ്വദേശികളായ 71കാരൻ, 37കാരൻ, 59കാരി, കൊട്ടിയൂർ സ്വദേശികളായ 15കാരൻ, 47കാരൻ, 37കാരി, രണ്ടു വയസ്സുകാരൻ, പേരാവൂർ സ്വദേശികളായ 51കാരൻ, 65കാരൻ, മാങ്ങാട്ടിടം സ്വദേശിയായ 42കാരൻ, കുഞ്ഞിമംഗലം സ്വദേശി 62കാരി, ചുഴലി സ്വദേശികളായ 32കാരി, 48കാരി എന്നിവർക്കും ഇവിടെ രോഗബാധയുണ്ടായി. ഇതിനു പുറമെ, ആസ്റ്റർ മിംസിലെ ഡോക്ടർ ചാല സ്വദേശി 32കാരനും രോഗം സ്ഥിരീകരിച്ചു.
കോളയാട് സ്വദേശി 48കാരൻ, തയ്യിൽ സ്വദേശി 96കാരി, കരിവെള്ളൂർ സ്വദേശി 44കാരി, മാലൂർ സ്വദേശി (ഇപ്പോൾ കോഴിക്കോട്ട് താമസം) 28കാരൻ എന്നിവർക്കും സമ്പർക്കം വഴി രോഗം ബാധിച്ചു.

ഇതോടെ ജില്ലയിലെ കൊവിഡ് ബാധിതരുടെ എണ്ണം 1328 ആയി. ഇവരിൽ 801 പേർ രോഗമുക്തി നേടി. അഞ്ചരക്കണ്ടി കൊവിഡ് ട്രീറ്റ്‌മെന്റ് സെന്ററിൽ ചികിത്സയിലായിരുന്ന പാനൂർ സ്വദേശി 40കാരി, പരിയാരം സി.എഫ്.എൽ.ടി.സിയിൽ ചികിത്സയിലായിരുന്ന തളിപ്പറമ്പ് സ്വദേശി 55കാരൻ എന്നിവരാണ് പുതുതായി രോഗം ഭേദമായി ആശുപത്രി വിട്ടത്.

നിലവിൽ കൊവിഡ് 19മായി ബന്ധപ്പെട്ട് ജില്ലയിൽ നിലവിൽ നിരീക്ഷണത്തിലുള്ളത് 10117 പേരാണ്. ഇവരിൽ അഞ്ചരക്കണ്ടി കോവിഡ് ട്രീറ്റ്‌മെന്റ് സെന്ററിൽ 127 പേരും കണ്ണൂർ ഗവ. മെഡിക്കൽ കോളേജ് ആശുപത്രിയിൽ 157 പേരും തലശ്ശേരി ജനറൽ ആശുപത്രിയിൽ 28 പേരും കണ്ണൂർ ജില്ലാ ആശുപത്രിയിൽ 22 പേരും കണ്ണൂർ ആർമി ഹോസ്പിറ്റലിൽ 17 പേരും കണ്ണൂർ ആസ്റ്റർ മിംസ് ആശുപത്രിയിൽ 14 പേരും ഏഴിമല നാവിക സേനാ ആശുപത്രിയിൽ രണ്ടു പേരും ഫസ്റ്റ് ലൈൻ കോവിഡ് ട്രീറ്റ്‌മെന്റ് സെന്ററുകളിൽ 143 പേരും വീടുകളിൽ 9607 പേരുമാണ് നിരീക്ഷണത്തിലുള്ളത്.