കൽപ്പറ്റ: ജില്ലയിൽ ഒരാൾക്ക് കൂടി കൊവിഡ് 19 സ്ഥിരീകരിച്ചു ജൂൺ 29 ന് സൗദി അറേബ്യയിൽ നിന്ന് കോഴിക്കോട് വഴി ജില്ലയിൽ എത്തിയ വെങ്ങപ്പള്ളി സ്വദേശിയെയാണ് രോഗം സ്ഥിരീകരിച്ച് ആശുപത്രിയിൽ പ്രവേശിപ്പിച്ചത്. ഇയാൾ കോഴിക്കോട് ജില്ലയിൽ ഒരു സ്ഥാപനത്തിൽ നിരീക്ഷണത്തിൽ കഴിയുകയായിരുന്നു.

നിലവിൽ രോഗം സ്ഥിരീകരിച്ച് 30 പേരാണ് മാനന്തവാടി ജില്ലാ ആശുപത്രിയിൽ ചികിത്സയിൽ കഴിയുന്നത്. മൂന്നുപേർ കോഴിക്കോട് മെഡിക്കൽ കോളേജിലും ഒരാൾ തിരുവനന്തപുരത്തും ചികിത്സയിലുണ്ട്.

ജില്ലയിൽ നിന്ന് ഇതുവരെ പരിശോധനയ്ക്ക് അയച്ച 3392 സാമ്പിളുകളിൽ 2787 എണ്ണത്തിന്റെ ഫലം ലഭിച്ചു. ഇതിൽ 2723 എണ്ണം നെഗറ്റീവും 64 സാമ്പിളുകൾ പോസിറ്റീവുമാണ്. 600 സാമ്പിളുകളുടെ ഫലം ലഭിക്കുവാൻ ബാക്കിയുണ്ട്.

ഇതുകൂടാതെ സാമൂഹ്യ വ്യാപനം നടന്നിട്ടുണ്ടോ എന്ന് പരിശോധിക്കുന്നതിന്റെ ഭാഗമായി ജില്ലയിൽ നിന്ന് ആകെ 5350 സാമ്പിളുകൾ പരിശോധനയ്ക്കായി അയച്ചിട്ടുണ്ട്. ഇതിൽ ഫലം ലഭിച്ച 4359 ൽ 4323 സാമ്പിളുകൾ നെഗറ്റീവാണ്.

220 പേർ കൂടി പുതുതായി നിരീക്ഷണത്തിൽ

272 പേർ നിരീക്ഷണ കാലം പൂർത്തിയാക്കി

ജില്ലയിൽ നിരീക്ഷണത്തിൽ കഴിയുന്നത് 3645 പേർ

40 പേർ മാനന്തവാടി ജില്ലാ ആശുപത്രിയിൽ

1815 പേർ കൊവിഡ് കെയർ സെന്ററുകളിൽ

പട്ടികവർഗ്ഗ വിഭാഗത്തിൽപെടുന്ന 310 പേർ