ബാലുശേരി: പനങ്ങാട് പഞ്ചായത്തിലെ കണ്ണാടിപ്പൊയിൽ- ചാത്തോത്ത് താഴെ ലക്ഷംവീട് കോളനി റോഡ് നിർമ്മാണം പുരുഷൻ കടലുണ്ടി എം.എൽ.എ ഉദ്ഘാടനം ചെയ്തു. ആർദ്രം പദ്ധതിയിൽ ഉൾപ്പെടുത്തി നവീകരിക്കപ്പെട്ട കണ്ണാടിപ്പൊയിൽ കുടുംബാരോഗ്യ കേന്ദ്രത്തിലേക്ക് കിനാലൂർ നിവാസികൾക്ക് എത്താനുള്ള പ്രധാന റോഡാണിത്. എം.എൽ.എയുടെ ആസ്തി വികസന ഫണ്ടിൽ നിന്ന് 25 ലക്ഷം രൂപ ചെലവിട്ടാണ് റോഡ് നിർമ്മാണം. പനങ്ങാട് ഗ്രാമപഞ്ചായത്ത് പ്രസിഡന്റ് വി.എം.കമലാക്ഷി അദ്ധ്യക്ഷത വഹിച്ചു. കോട്ടയിൽ മുഹമ്മദ് , ഷീജ മങ്ങാടൻകണ്ടി, എ.സി. ബൈജു, ദിനേശൻ പനങ്ങാട് എന്നിവർ പ്രസംഗിച്ചു. വൈസ് പ്രസിഡന്റ് പി.ഉസ്മാൻ സ്വാഗതവും സദാനന്ദൻ നന്ദിയും പറഞ്ഞു.