6 പേർ മറ്റു സംസ്ഥാനങ്ങളിൽ നിന്ന്

2 പേർ വിദേശത്തു നിന്ന്

കൽപ്പറ്റ: ജില്ലയിൽ എട്ട് പേർക്ക് കൂടി കൊവിഡ് സ്ഥിരീകരിച്ചു. ജൂൺ 30 ന് കർണാടകയിലെ ഷിമോഗയിൽ നിന്നെത്തി സ്ഥാപനത്തിൽ നിരീക്ഷണത്തിലായിരുന്ന കമ്പളക്കാട് സ്വദേശിയായ 48 കാരൻ, ഇയാൾക്കൊപ്പം വന്ന് വീട്ടിൽ നിരീക്ഷണത്തിലായിരുന്ന മുള്ളൻകൊല്ലി സ്വദേശിയായ 36 കാരൻ, ജൂൺ 30ന് ബാംഗ്ലൂരിൽ നിന്നെത്തി വീട്ടിൽ നിരീക്ഷണത്തിലായിരുന്ന മുള്ളൻകൊല്ലി സ്വദേശിയായ 22 കാരൻ,
ഹൈദരാബാദിൽ നിന്ന് ജൂൺ 30 ന് എത്തി വീട്ടിൽ നിരീക്ഷണത്തിലായിരുന്ന പേരിയ സ്വദേശിയായ 37 കാരി, കർണാടകയിൽ നിന്ന് ജൂൺ 23 ജില്ലയിലെത്തി രോഗം സ്ഥിരീകരിച്ച് ചികിൽസയിലുളള 40 കാരിയുടെ കൂടെ യാത്ര ചെയ്ത അപ്പപ്പാറ സ്വദേശിയായ 50 കാരൻ, ജൂലൈ ഒന്നിന് ബാംഗ്ലൂരിൽ നിന്ന് എത്തി സ്ഥാപനത്തിൽ നിരീക്ഷണത്തിലായിരുന്ന തവിഞ്ഞാൽ സ്വദേശി 36 കാരൻ, ജൂൺ 29 ന് സൗദിയിൽനിന്ന് ജില്ലയിലെത്തി വീട്ടിൽ നിരീക്ഷണത്തിലായിരുന്ന വാളാട് സ്വദേശി 46 കാരൻ, മാർച്ച് 14 ന് സൗദിയിൽ നിന്ന് മുംബൈയിലെത്തി അവിടെ നിരീക്ഷണത്തിലായിരുന്ന പുൽപ്പള്ളി സ്വദേശിയായ 30 കാരൻ എന്നിവർക്കാണ് രോഗം സ്ഥിരീകരിച്ചത്.

പുൽപ്പള്ളി സ്വദേശി ജൂൺ 14 നാണ് മുബൈയിൽ നിന്ന് ട്രെയിൻ മാർഗം കോഴിക്കോട് വഴി ജില്ലയിലെത്തിയത്. ഇദ്ദേഹവും അപ്പപ്പാറ സ്വദേശിയും സ്ഥാപന നിരീക്ഷണത്തിലായിരുന്നു.
നിലവിൽ രോഗം സ്ഥിരീകരിച്ച് 41 പേർ മാനന്തവാടി ജില്ലാ ആശുപത്രിയിൽ ചികിത്സയിലുണ്ട്. ഇവരെ കൂടാതെ ഒരാൾ കോഴിക്കോട് മെഡിക്കൽ കോളേജിലും ഒരാൾ തിരുവനന്തപുരത്തും ഒരാൾ കണ്ണൂരിലും ചികിത്സയിലുണ്ട്.

സാമൂഹ്യ വ്യാപനം നടന്നിട്ടുണ്ടോ എന്ന് പരിശോധിക്കുന്നതിന്റെ ഭാഗമായി ജില്ലയിൽ നിന്നും ആകെ 5754 സാമ്പിളുകളും പരിശോധനയ്ക്കായി അയച്ചിട്ടുണ്ട്. ഇതിൽ ഫലം ലഭിച്ച 4537 ൽ 4492 നെഗറ്റീവാണ്.

പുതുതായി നിരീക്ഷണത്തിലായത് 235 പേർ

ആകെ നിരീക്ഷണത്തിലുള്ളത് 3598 പേർ

245 പേർ നിരീക്ഷണ കാലം പൂർത്തിയാക്കി

ഇതുവരെ അയച്ചത് 3502 സാമ്പിൾ

ഫലം ലഭിച്ചത് 3037. നെഗറ്റീവ് 2968

ഫലം ലഭിക്കാനുള്ളത് 460 സാമ്പിൾ