ഇതുവരെ രോഗം ബാധിച്ചവർ 141

കൽപ്പറ്റ: ജില്ലയിൽ വെള്ളിയാഴ്ച്ച ഒരാൾക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ അറിയിച്ചു. നാല് പേർ രോഗമുക്തി നേടിയിട്ടുണ്ട്.

ജൂലൈ നാലിന് ബംഗളുരുവിൽ നിന്നെത്തി ചെന്നലോട്ടെ ഒരു വീട്ടിൽ നിരീക്ഷണത്തിലായിരുന്ന വെള്ളമുണ്ട സ്വദേശിയായ 40 കാരനാണ് രോഗം സ്ഥിരീകരിച്ച് മാനന്തവാടി ജില്ലാ ആശുപത്രിയിൽ അഡ്മിറ്റ് ആയത്.

ജില്ലയിൽ ഇതുവരെ രോഗം സ്ഥിരീകരിച്ചവരുടെ എണ്ണം 141 ആണ്. 82 പേർ രോഗമുക്തരായി.

നിലവിൽ രോഗം സ്ഥിരീകരിച്ച് 55 പേർ മാനന്തവാടി ജില്ലാ ആശുപത്രിയിൽ ചികിത്സയിൽ കഴിയുന്നുണ്ട്.. ഒരാൾ വീതം കണ്ണൂരിലും തിരുവനന്തപുരത്തും പാലക്കാടും ചികിത്സയിലുണ്ട്.
വെളളിയാഴ്ച്ച നാല് പേരാണ് രോഗമുക്തരായത്. കമ്പളക്കാട് സ്വദേശിയായ 31 കാരൻ, അഞ്ചുകുന്ന് സ്വദേശിയായ 35 കാരൻ, പനമരം സ്വദേശിയായ 25 കാരൻ, ചെതലയം സ്വദേശിയായ 30 കാരൻ എന്നിവരെയാണ് സാമ്പിൾ പരിശോധന നെഗറ്റീവ് ആയതിനെ തുടർന്ന് ആശുപത്രിയിൽ നിന്നും ഡിസ്ചാർജ് ചെയ്തത്.

പുതുതായി നിരീക്ഷണത്തിലായത് 262 പേർ

ആകെ നിരീക്ഷണത്തിലുള്ളത് 3585 പേർ

252 പേർ നിരീക്ഷണ കാലം പൂർത്തിയാക്കി

പരിശോധനയ്ക്ക് അയച്ച സാമ്പിളുകൾ 10088

ഫലം ലഭിച്ചത് 8303. 8163 എണ്ണം നെഗറ്റീവ്

ഫലം ലഭിക്കാനുള്ളത് 1775 സാമ്പിളുകൾ