കോഴിക്കോട്: ജില്ലയെ ആശങ്കയിലാക്കി കൊവിഡ് വ്യാപനം. പുതുതായി റിപ്പോർട്ട് ചെയ്ത 17 രോഗികളിൽ പത്ത് പേർക്കും സമ്പർക്കത്തിലൂടെയാണ് രോഗ ബാധയുണ്ടായതെന്ന് ജില്ലാ മെഡിക്കൽ ഓഫീസർ ഡോ. വി. ജയശ്രീ സ്ഥിരീകരിച്ചു. അതെസമയം

നാല് പേർ രോഗമുക്തി നേടിയത് ആശ്വാസത്തിന് വക നൽകുന്നു.

പോസിറ്റീവായവർ

1 - 65 വയസുള്ള തൂണേരി സ്വദേശിനി. 8ന് സ്വകാര്യ ആശുപത്രിയിൽ ഓപ്പറേഷനായി സ്രവം പരിശോധനക്കെടുത്തു. അന്നുതന്നെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു. സ്രവം പരിശോധനാ ഫലം പോസിറ്റീവ് ആയതിനെ തുടർന്ന് ചികിത്സയിലാണ്.

2- 60 വയസുള്ള മടവൂർ സ്വദേശി. 5ന് ജിദ്ദയിൽ നിന്നും കണ്ണൂരിലെത്തി. 7ന് കോഴിക്കോട് മെഡിക്കൽ കോളേജിലെത്തിച്ച് സ്രവം പരിശോധനയ്ക്ക് എടുത്തു. ഫലം പോസിറ്റീവായതിനെ തുടർന്ന് ചികിത്സയിലാണ്.

3- 29 വയസുള്ള കാക്കൂർ സ്വദേശി. 5ന് സൗദിയിൽ നിന്നും കോഴിക്കോടെത്തി. വീട്ടിൽ നിരീക്ഷണത്തിലായിരുന്നു. 7ന് കോഴിക്കോട് മെഡിക്കൽ കോളേജിലെത്തിച്ച് സ്രവം പരിശോധനയ്ക്ക് എടുത്തു. ഫലം പോസിറ്റീവ് ആയതിനെ തുടർന്ന് ചികിത്സയിലാണ്.

4- 22വയസുള്ള എം.ബി.ബി.എസ് വിദ്യാർത്ഥി, 7ന് കിർഗിസ്ഥാനിൽ നിന്നും കൊച്ചിയിലെത്തി. വീട്ടിൽ നിരീക്ഷണത്തിലായിരുന്നു. കൂടെ വന്നയാൾ പോസിറ്റീവായതിനെ തുടർന്ന് സ്രവം പരിശോധനയ്ക്ക് എടുത്തു. ഫലം പോസിറ്റീവ് ആയി. എഫ്.എൽ.ടി.സിയിൽ ചികിത്സയിലാണ്.

5 - 27 വയസുള്ള രാമനാട്ടുകര സ്വദേശി. 3ന് ബംഗളൂരിൽ നിന്നും കാറിൽ വീട്ടിലെത്തി നിരീക്ഷണത്തിലായിരുന്നു. പ്രത്യേക സ്രവ പരിശോധനയിൽ ഫലം പോസിറ്റീവായി. കോഴിക്കോട് എഫ്.എൽ.ടി സി.യിൽ ചികിത്സയിലാണ്.

(6,7,8,9,10,11) 30,61,37 വയസുള്ള പുരുഷന്മാർ,​ 36 വയസുള്ള സ്ത്രീ,​ 6 വയസുള്ള രണ്ടു കുട്ടികൾ. കൊളത്തറ സ്വദേശികളാണ്. 10ന് പോസിറ്റീവായ കൊളത്തറ സ്വദേശിനിയുടെ കുടുംബാംഗങ്ങൾ. സമ്പർക്കത്തിൽ വന്നവർക്കുള്ള പ്രത്യേക സ്രവ പരിശോധനയിൽ ഫലം പോസിറ്റീവ് ആയി. കോഴിക്കോട് എഫ്.എൽ.ടി സി.യിൽ ചികിത്സയിലാണ്.

12 - പതിമൂന്ന് വയസുള്ള പെൺകുട്ടി വെള്ളയിൽ സ്വദേശി. ഫ്ലാറ്റിൽ ആത്മഹത്യ ചെയ്ത വ്യക്തിയുടെ സമ്പർക്കത്തിൽ വന്നവർക്കുള്ള പ്രത്യേക സ്രവ പരിശോധനയിൽ ഫലം പോസിറ്റീവ് ആയി. കോഴിക്കോട് എഫ്.എൽ.ടി സി.യിൽ ചികിത്സയിലാണ്.

13- 27 വയസുള്ള തൂണേരി സ്വദേശി. 8ന് പനിയെ തുടർന്ന് കൊയിലാണ്ടി ആശുപത്രിയിലെത്തി സ്രവം പരിശോധനയ്ക്ക് എടുത്തു. ഫലം പോസിറ്റീവായി. എഫ്.എൽ.ടി.സി യിൽ ചികിത്സയിലാണ്.

14- 26 വയസുള്ള ചെങ്ങോട്ടുകാവ് സ്വദേശി. 4ന് റിയാദിൽ നിന്നും കോഴിക്കോടെത്തി. വീട്ടിൽ നിരീക്ഷണത്തിലായിരുന്നു. 8ന് കൊയിലാണ്ടി ആശുപത്രിയിലെത്തി സ്രവം പരിശോധനയ്ക്ക് എടുത്തു. ഫലം പോസിറ്റീവായി. എഫ്.എൽ.ടി.സി യിൽ ചികിത്സയിലാണ്.

15 - 25 വയസുള്ള ഉള്ളിയേരി സ്വദേശി. ജൂൺ 26 ന് ഖത്തറിൽ നിന്നും കണ്ണൂരിലെത്തി. വീട്ടിൽ നിരീക്ഷണത്തിലായിരുന്നു. കൂടെ വന്നയാൾ പോസിറ്റീവായതിനെ തുടർന്ന് ജൂലായ് 8ന് കൊയിലാണ്ടി ആശുപത്രിയിലെത്തി സ്രവം പരിശോധനയ്ക്ക് എടുത്തു. ഫലം പോസിറ്റീവ് ആയി. എഫ്.എൽ.ടി.സി യിൽ ചികിത്സയിലാണ്.

16.- 63 വയസുള്ള കൊയിലാണ്ടി സ്വദേശി. ജൂൺ 19ന് ചെന്നെയിൽ നിന്നും കാർ മാർഗം കോഴിക്കോടെത്തി വീട്ടിൽ നിരീക്ഷണത്തിൽ ആയിരുന്നു. ഇതര സംസ്ഥാനത്ത് നിന്ന് വരുന്നവർക്കുള്ള പ്രത്യേക സ്രവ പരിശോധനക്കായി കൊയിലാണ്ടി ആശുപത്രിയിലെത്തി. പരിശോധനയിൽ പോസിറ്റീവ് ആയി മെഡിക്കൽ കോളേജിൽ ചികിത്സയിലാണ്.

17 - 34 വയസുള്ള നാദാപുരം സ്വദേശിനി. ഭർത്താവ് ഗൾഫിൽ നിന്ന് വന്നതിനെ തുടർന്ന് രണ്ടുപേരുടെയും സ്രവ പരിശോധന നടത്തി. ഭാര്യയുടെ പരിശോധനാഫലം പോസിറ്റീവ് ആയതിനെ തുടർന്ന് എഫ്. എൽ.ടി സി യിൽ ചികിത്സയിലാണ്.