കൽപ്പറ്റ: ജില്ലയിൽ തിങ്കളാഴ്ച്ച 14 പേർക്ക് കൊവിഡ് സ്ഥിരീകരിച്ചു. പതിനാറ് പേർ രോഗമുക്തരായി.

കോവിഡ്19 പ്രതിരോധവുമായി ബന്ധപ്പെട്ട് തിങ്കളാഴ്ച്ച പുതുതായി നിരീക്ഷണത്തിലായത് 189 പേർ. 236 പേർ നിരീക്ഷണ കാലം പൂർത്തിയാക്കി. 3556 പേരാണ് ജില്ലയിൽ ആകെ നിരീക്ഷണത്തിലുള്ളത്. ജില്ലയിൽ നിന്ന് ഇതുവരെ പരിശോധനയ്ക്കയച്ച 10758 സാമ്പിളുകളിൽ 9415 പേരുടെ ഫലം ലഭിച്ചു. ഇതിൽ 9230 നെഗറ്റീവും 185 പോസിറ്റീവുമാണ്.

രോഗം സ്ഥിരീകരിച്ചവർ

ജൂലൈ എട്ടിന് ബാംഗ്ലൂരിൽ നിന്നെത്തിയ പനമരം സ്വദേശി (39), ചെന്നലോട് സ്വദേശി (21), ജൂലൈ നാലിന് കർണാടകയിൽ നിന്നെത്തി തൊണ്ടർനാട് ഒരു വീട്ടിൽ നിരീക്ഷണത്തിലായിരുന്ന വടകര സ്വദേശിയായ 27 കാരൻ, അദ്ദേഹത്തിന് ഒപ്പമുളള നാൽപതും നാൽപതിമൂന്ന് വയസ്സുമുളള രണ്ട് പേർ, ജൂൺ 26 ന് ദുബൈയിൽ നിന്ന് വന്ന തൃശ്ശിലേരി സ്വദേശി (45), ജൂൺ 30 ന് കുവൈത്തിൽ നിന്നെത്തിയ വെള്ളമുണ്ട സ്വദേശി (34), ജൂലൈ ഒമ്പതിന് മൈസൂരിൽ നിന്നെത്തിയ കമ്പളക്കാട് സ്വദേശി (21), ജൂൺ 27 ന് ഖത്തറിൽ നിന്നെത്തിയ എടവക സ്വദേശി (48), ജൂലൈ 9 ന് ഹൈദരാബാദിൽ നിന്നെത്തിയ മേപ്പാടി സ്വദേശി (32), അന്നുതന്നെ ബാംഗ്ലൂരിൽ നിന്നെത്തിയ ചീരാൽ സ്വദേശി (30), ജൂലൈ രണ്ടിന് ബാംഗ്ലൂരിൽ നിന്നെത്തിയ പടിഞ്ഞാറത്തറ സ്വദേശി (30), ജൂൺ 28 ന് ഷാർജയിൽ നിന്നെത്തിയ പടിഞ്ഞാറത്തറ സ്വദേശി (22), ജൂൺ 23 ന് കർണാടകയിൽ നിന്നെത്തിയ അപ്പപ്പാറ സ്വദേശി (40) എന്നിവരാണ് രോഗം സ്ഥിരീകരിച്ച് ആശുപത്രിയിലായത്. ചെന്നലോട് സ്വദേശിയും കമ്പളക്കാട് സ്വദേശിയും സ്ഥാപനങ്ങളിലും മറ്റുള്ളവർ വീടുകളിലും നിരീക്ഷണത്തിലായിരുന്നു.

16 പേർക്ക് രോഗമുക്തി
കൽപ്പറ്റ സ്വദേശിയായ നാൽപതിയഞ്ചുകാരനും മുപ്പതുകാരിയും ഉൾപ്പെടെ 16 പേർ തിങ്കളാഴ്ച്ച രോഗമുക്തരായി. മേപ്പാടി സ്വദേശി (65), പടിഞ്ഞാറത്തറ സ്വദേശി (31), റിപ്പൺ സ്വദേശി (31), അമ്പലവയൽ സ്വദേശി (23), കമ്പളക്കാട് സ്വദേശി (56), ചുണ്ടേൽ സ്വദേശി (43), പയ്യമ്പള്ളി സ്വദേശി (62), വെള്ളമുണ്ട സ്വദേശി (29), പിണങ്ങോട് സ്വദേശി (24), ബത്തേരി സ്വദേശി (35), മക്കിയാട് സ്വദേശി (24), കണിയാമ്പറ്റ സ്വദേശി (23), കൽപ്പറ്റ സ്വദേശിയായ 35 കാരൻ, മൂപ്പൈനാട് സ്വദേശിയായ 56 കാരി എന്നിവരാണ് രോഗം ഭേദമായ മറ്റുളളവർ.