കോഴിക്കോട്: ജില്ലയിൽ ഓൺലൈൻ പഠനസൗകര്യമില്ലാത്ത കുട്ടികൾക്കായി ഡി.വൈ.എഫ്‌.ഐ നേതൃത്വത്തിൽ ഇതിനകം 830 ടിവികൾ കൈമാറി. ടി വി ചലഞ്ചിന്റെ ഭാഗമായി ഇവ സമാഹരിച്ച് എത്തിക്കുകയായിരുന്നു. വിദ്യാഭ്യാസ വകുപ്പ് ഓൺലൈൻ വിദ്യാഭ്യാസ കേന്ദ്രങ്ങളായി നിശ്ചയിച്ച 168 പൊതു പഠനകേന്ദ്രങ്ങളിലും 662 വീടുകളിലേക്കുമാണ് ഡി.വൈ.എഫ്‌.ഐ യുടെ വിവിധ ഘടകങ്ങൾ ടി വി കൈമാറിയത്. ജില്ലാ കമ്മിറ്റിയുടെ നേതൃത്വത്തിൽ എത്തിച്ച ടി വി കൾ ജില്ലാ വിദ്യാഭ്യാസ ഉപഡയറക്ടർ വി.പി. മിനി, സമഗ്ര ശിക്ഷാ പ്രോജക്ട് കോ ഓർഡിനേറ്റർ ഡോ.എ.കെ.അബ്ദുൽ ഹക്കീം എന്നിവർ ചേർന്ന് സംസ്ഥാന ട്രഷറർ എസ് കെ സജീഷിൽ നിന്ന് ഏറ്റുവാങ്ങി. ജില്ലാ സെക്രട്ടറി വി.വസീഫ്, പ്രസിഡന്റ് അഡ്വ.എൽ.ജി ലിജീഷ് എന്നിവർ പങ്കെടുത്തു.
.