കോഴിക്കോട്: വ​യ​നാ​ട് ചു​രം പാ​ത​യ്ക്ക് ബ​ദ​ലാ​യി നി​ർ​മ്മി​ക്കു​ന്ന ആ​ന​ക്കാം​പൊ​യി​ൽ- ക​ള്ളാ​ടി- മേ​പ്പാ​ടി തു​ര​ങ്ക​പാ​ത​യു​ടെ അ​വ​സാ​ന​ഘ​ട്ട അ​ലൈ​ൻ​മെന്റ് തീരുമാനിക്കാൻ ഒരാഴ്ചക്കകം ഉദ്യോഗസ്ഥ തല യോഗം വിളിക്കുമെന്ന് ജോ​ർ​ജ് എം.തോ​മ​സ് എം‌​.എ​ൽ.​എ​ പറഞ്ഞു. ഇതിന് മുന്നോടിയായി എം.​എ​ൽ​.എ​യും പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​രും നി​ർ​ദി​ഷ്ട പാ​ത പോ​കു​ന്ന സ്ഥ​ല​ങ്ങ​ൾ സ​ന്ദ​ർ​ശിച്ചു.

കൊ​ങ്ക​ൺ റെ​യി​ൽ​വേ കോ​ർ​പ്പ​റേ​ഷ​ൻ നാ​ല് അ​ലൈ​ൻ​മെ​ന്റു​ക​ളാണ് തയ്യാറാക്കിയത്. ഇതിൽ അ​നു​യോ​ജ്യ​മാ​യ​ത് ഉദ്യോഗസ്ഥരുമായി ചർച്ച ചെയ്ത് തീരുമാനിക്കും.

ആ​ന​ക്കാം​പൊ​യി​ൽ നി​ന്ന് തു​ട​ങ്ങി മേ​പ്പാ​ടി- ക​ൽ​പ്പ​റ്റ- ബ​ത്തേ​രി മ​ല​യോ​ര ഹൈ​വേ​യി​ലേ​ക്ക് എ​ത്തു​ന്ന പാ​ത​യ്ക്കാ​ണ് കൂ​ടു​ത​ൽ സാദ്ധ്യ​ത​യെ​ന്ന് എം​.എ​ൽ.​എ പ​റ​ഞ്ഞു. 7.8 കി​ലോ​മീ​റ്റ​ർ ദൂ​ര​മാ​ണ് ഉ​ണ്ടാ​വു​ക. നേ​ര​ത്തെ 6.2 കി​ലോ​മീ​റ്റ​ർ ദൂ​ര​മാ​ണ് ക​ണ​ക്കാ​ക്കി​യി​രു​ന്ന​ത്.

പു​തി​യ അ​ലൈ​ൻ​മെ​ന്റ് പ്ര​കാ​രം ഒ​ന്ന​ര കി​ലോ​മീ​റ്റ​റോ​ളം ദൂ​രം വ​ർ​ദ്ധി​ക്കും.ഡി.പി.ആർ ത​യ്യാ​റാ​യാ​ൽ ഫീ​ൽ​ഡ് സ​ർ​വേ, സാ​ങ്കേ​തി​ക വ​ശം എ​ന്നി​വ​യെ​ല്ലാം പൂ​ർ​ത്തി​യാ​ക്കി ഉ​ട​ൻ പ്ര​വൃ​ത്തി ആ​രം​ഭി​ക്കും.

വ​ന​ഭൂ​മി ഒ​ഴി​വാ​ക്കി​യാ​ണ് പാ​ത നി​ർ​മ്മി​ക്കു​ന്ന​ത്. നേ​ര​ത്തെ തീ​രു​മാ​നി​ച്ച 6.2 കി​ലോ​മീ​റ്റ​ർ ദൂ​ര​ത്തി​ന് 658 കോ​ടി രൂ​പ​യാ​യി​രു​ന്നു ചെ​ല​വ് ക​ണ​ക്കാ​ക്കി​യി​രു​ന്ന​ത്. എ​ന്നാ​ൽ അ​വ​സാ​ന​മാ​യി ഏ​ക​ദേ​ശ തീ​രു​മാ​ന​ത്തി​ൽ എ​ത്തി​യ സ്ഥ​ല​ത്ത് കൂ​ടി തു​ര​ങ്ക പാ​ത നി​ർ​മി​ക്കാ​ൻ 200 കോ​ടി രൂ​പ അ​ധി​കം ചെ​ല​വ് വ​രു​മെ​ന്നും മൂ​ന്ന് വ​ർ​ഷം കൊ​ണ്ട് പ്ര​വൃ​ത്തി പൂ​ർ​ത്തി​യാ​ക്കാ​നാ​കു​മെ​ന്നാ​ണ് പ്ര​തീ​ക്ഷ​യെ​ന്നും അദ്ദേഹം വ്യക്തമാക്കി.

ഒ​രു കി​ലോ​മീ​റ്റ​റി​ന് 150 കോ​ടി രൂ​പ​യാ​ണ് ചെ​ല​വ് കണക്കാക്കിയിട്ടുള്ളത്. തി​രു​വ​മ്പാ​ടി പ​ഞ്ചാ​യ​ത്തി​ലെ ആ​ന​ക്കാം​പൊ​യി​ലി​ന് അ​ടു​ത്ത് സ്വ​ർ​ഗം​കു​ന്നി​ൽ നി​ന്ന് ആ​രം​ഭി​ച്ച് വ​യ​നാ​ട്ടി​ലെ ക​ള്ളാ​ടി​യി​ൽ അ​വ​സാ​നി​ക്കു​ന്ന​താ​ണ് പാ​ത. വ​ന​ഭൂ​മി ന​ഷ്ട​പ്പെ​ടു​ത്താ​തെ മ​ല തു​ര​ന്ന് ര​ണ്ടു വ​രി​യാ​യി തു​ര​ങ്ക​വും തു​ര​ങ്ക​ത്തെ ബ​ന്ധി​പ്പി​ച്ച് ര​ണ്ട് വ​രി റോ​ഡും കു​ണ്ട​ൻ​തോ​ടി​ൽ 70 മീ​റ്റ​ർ നീ​ള​ത്തി​ൽ ര​ണ്ടു​വ​രി പാ​ല​വും നി​ർ​മി​ക്കു​ന്ന​താ​ണ് പ​ദ്ധ​തി. താ​മ​ര​ശേ​രി ചു​ര​ത്തി​ലെ ഗ​താ​ഗ​ത​ക്കു​രു​ക്കി​ന് പ​രി​ഹാ​ര​മാ​യിട്ടാണ് ബ​ദ​ൽ റോ​ഡ്. ​