കൽപ്പറ്റ: വയനാട്ടിൽ ഇന്നലെ 28 പേർക്ക് കൊവിഡ് സ്ഥിരീകരിച്ചു. ജില്ലയിൽ ഏറ്റവും കൂടുതൽ കൊവിഡ് റിപ്പോർട്ട് ചെയ്ത ദിവസമാണിത്. നാല് പേർ രോഗമുക്തരായി.

എട്ട് പേർക്ക് സമ്പർക്കത്തിലൂടെയാണ് രോഗം പകർന്നത്. തൊണ്ടർനാട് പഞ്ചായത്തിൽ ആറുപേർക്കും കോട്ടത്തറയിലും കൽപ്പറ്റയിലും ഒരാൾക്കു വീതവുമാണ് സമ്പർക്കത്തിലൂടെ രോഗം പകർന്നത്. തൊണ്ടർനാട് കർണ്ണാടകയിൽ നിന്നെത്തിയ യുവാവിൽ നിന്നാണ് കൂടുതൽ പേരിലേക്ക് രോഗം പകർന്നത്. കോട്ടത്തറയിൽ കോഴിക്കോട് ജില്ലയിൽ നിന്നെത്തിയവരിൽ നിന്നാണ് രോഗബാധയുണ്ടായത്. കൽപ്പറ്റ റാട്ടക്കൊല്ലിയിൽ തുണി വ്യാപാരവുമായി എത്തിയ തമിഴ്നാട് സ്വദേശിയിൽ നിന്നാണ് രോഗം പകർന്നത്.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 242 ആയി. രോഗമുക്തർ 105. നിലവിൽ രോഗം സ്ഥിരീകരിച്ച് 136 പേർ ചികിൽസയിലുണ്ട്. ഇതിൽ 131 പേർ ജില്ലയിലും കോഴിക്കോട് രണ്ടുപേരും തിരുവനന്തപുരം, പാലക്കാട്, കണ്ണൂർ എന്നിവിടങ്ങളിൽ ഓരോരുത്തരുമാണ് ചികിൽസയിൽ കഴിയുന്നത്.

രോഗം സ്ഥിരീകരിച്ചവർ:

ജൂലൈ അഞ്ചിന് ഖത്തറിൽ നിന്നെത്തിയ പൊഴുതന സ്വദേശിയായ 35 കാരൻ, ജൂൺ 26ന് ഹൈദരാബാദിൽ നിന്ന് വന്ന ബത്തേരി സ്വദേശിയായ 49 കാരൻ, ജൂലൈ 3 ന് ദുബായിൽ നിന്നെത്തിയ കൽപ്പറ്റ സ്വദേശിയായ 24 കാരൻ, ജൂലൈ ആറിന് ഖത്തറിൽ നിന്നെത്തിയ പൊഴുതന സ്വദേശിയായ 26 കാരൻ, സൗദി അറേബ്യയിൽ നിന്ന് വന്ന പൊഴുതന സ്വദേശിയായ 55 കാരൻ, ജൂലൈ 13 ബാംഗ്ലൂരിൽ നിന്ന് വന്ന മീനങ്ങാടി സ്വദേശിയായ 24 കാരൻ, അന്ന് തന്നെ ബാംഗ്ലൂരിൽ നിന്നെത്തിയ ചെതലയം സ്വദേശിയായ 36 കാരൻ, ജൂൺ 29 ന് ഡൽഹിയിൽ നിന്നെത്തിയ പള്ളിക്കുന്ന് സ്വദേശിനിയായ 50 കാരി, സൗദി അറേബ്യയിൽ നിന്നെത്തിയ കാര്യമ്പാടി സ്വദേശിയായ 47 കാരൻ, ജൂലൈ രണ്ടിന് ഖത്തറിൽ നിന്നെത്തിയ മുട്ടിൽ സ്വദേശിയായ 43 കാരൻ, അന്നുതന്നെ ബംഗളുരുവിൽ നിന്ന് വന്ന മേപ്പാടി സ്വദേശി 21 കാരൻ, ജൂലൈ നാലിന് ദുബൈയിൽ നിന്നെത്തിയ മുട്ടിൽ സ്വദേശിനി 60 കാരി, അന്നുതന്നെ സൗദി അറേബ്യയിൽ നിന്നു വന്ന ബത്തേരി സ്വദേശിയായ 60 കാരൻ, ജൂൺ 23 ന് ബഹ്‌റൈറിനിൽ നിന്നെത്തിയ അമ്പലവയൽ സ്വദേശിയായ 26 കാരൻ, ജൂലൈ എട്ടിന് ബംഗളുരുവിൽ നിന്ന് വന്ന പനമരം സ്വദേശികളായ 27 കാരിയും 5 വയസ്സുള്ള മകളും, ജൂലൈ അഞ്ചിന് മംഗലാപുരത്ത് നിന്നു വന്ന പൂതാടി സ്വദേശി 53 കാരൻ, ജൂലൈ 9 ന് ഹൈദരാബാദിൽ നിന്ന് വന്ന മൂപ്പൈനാട് സ്വദേശി 29 കാരനും ഒരു വയസ്സുള്ള കുട്ടിയും, ജൂലൈ നാലിന് കർണാടകയിൽ നിന്നെത്തിയ തൊണ്ടർനാട് താമസിച്ച് രോഗം സ്ഥിരീകരിച്ച് ചികിത്സയിലുള്ള 38 കാരന്റെ ഭാര്യ (35), മാതാവ് (64), രണ്ടു വയസ്സുള്ള രണ്ട് കുട്ടികൾ, അദ്ദേഹത്തിന്റെ സമ്പർക്ക പട്ടികയിലുണ്ടായിരുന്ന ആറു വയസ്സുള്ള പെൺകുട്ടിയും 30 വയസുകാരനും, ജൂലൈ പന്ത്രണ്ടാം തീയതി ഗൂഡല്ലൂരിൽ നിന്ന് സ്വന്തം വിവാഹത്തിനായി വന്ന എടവക സ്വദേശിനിയായ 25 കാരി, കോഴിക്കോട് ക്ലസ്റ്ററിൽ നിന്ന് വന്ന കോട്ടത്തറ സ്വദേശി 15 കാരി, ജൂലൈ 5 ന് ചികിത്സയിലായ കൽപ്പറ്റ സ്വദേശിയുടെ സമ്പർക്ക പട്ടികയിലുള്ള 28 കാരൻ.

രോഗമുക്തി നേടിയവർ:

പയ്യമ്പള്ളി സ്വദേശിയായ 34 കാരൻ, എടവക സ്വദേശി 29 കാരൻ, ചെന്നലോട് സ്വദേശി 22 കാരൻ, കണിയാമ്പറ്റ സ്വദേശി 36 കാരൻ എന്നിവരാണ് സാമ്പിൾ പരിശോധന നെഗറ്റീവ് ആയതിനെ തുടർന്ന് ആശുപത്രി വിട്ടത്.

88 പേർ കൂടി നിരീക്ഷണത്തിൽ.

നിരീക്ഷണത്തിലുള്ളത് ആകെ 3532 പേർ

223 പേർ നിരീക്ഷണ കാലം പൂർത്തിയാക്കി

പരിശോധനയ്ക്കയച്ചത് 12261 സാമ്പിളുകൾ

10477 പേരുടെ ഫലം ലഭിച്ചു

10235 നെഗറ്റീവും 242 പോസിറ്റീവും

കണ്ടൈയ്ൻമെന്റ് സോണിൽ നിന്ന് ഒഴിവാക്കി

സുൽത്താൻ ബത്തേരി നഗരസഭയിലെ 24ാം വാർഡിലുള്ള ജൂബിലി റസ്‌റ്റോറന്റ്, ഇമേജ് മൊബൈൽ ഷോറൂം എന്നിവ ഉൾപ്പെടുന്ന കെട്ടിടങ്ങൾ മൈക്രോ കണ്ടെയ്ൻമെന്റ് സോണിൽ നിന്ന് ഒഴിവാക്കിയതായി ജില്ലാ കലക്ടർ ഡോ. അദീല അബ്ദുള്ള അറിയിച്ചു.