കൊയിലാണ്ടി: പതിമൂന്നുകാരിയെ പീഡിപ്പിക്കാൻ ശ്രമിച്ച കേസിൽ മദ്ധ്യവയസ്‌കനെ തിരയുന്നു. തിക്കോടി സ്വദേശിയും ചെരണ്ടത്തൂരിൽ താമസിക്കുന്നയാളുമായ വടക്കെകണ്ടി ആറ്റക്കോയ തങ്ങൾ(55)ക്കെതിരെയാണ് പരാതി. ജൂൺ 15ന് പെൺകുട്ടി വീടിന് മുന്നിൽ നിൽക്കുമ്പോഴാണ് പീഡിപ്പിക്കാൻ ശ്രമിച്ചത്. ബന്ധുക്കൾ ബാലാവകാശ കമ്മിഷന് പരാതി നൽകിയതിനെ തുടർന്ന് പയ്യോളി പൊലീസിൽ വിവരമറിയിക്കുകയും ക്രൈംബ്രാഞ്ച് ഡിവൈ.എസ്.പി. ആർ. ഹരിദാസ് അന്വേഷണം ആരംഭിക്കുകയും ചെയ്തു. എന്നാൽ കേസ് ഒത്തുതീർപ്പാക്കാനായി ചെരണ്ടത്തൂരിലെ ബാലികയെ പീഡിപ്പിച്ച് കൊന്ന കേസിലെ പ്രതിയുടെ ബന്ധുവും കുട്ടിയുടെ അമ്മാവനും ശ്രമിച്ചതായി ആരോപണമുണ്ട്. ഇവർക്കെതിരെ കേസെടുത്തേക്കുമെന്ന് പൊലീസ് അറിയിച്ചു. പ്രതി ആറ്റകോയ തങ്ങൾക്കായുള്ള ആന്വേഷണം ഊർജിതമാക്കിയതായി ആർ. ഹരിദാസ് പറഞ്ഞു.