കോഴിക്കോട്: ജില്ലയിൽ ഇന്നലെ 67 പേർക്ക് കൊവിഡ് സ്ഥിരീകരിച്ചു. ഇവരിൽ 57 പേർക്കും സമ്പർക്കത്തിലൂടെയാണ് രോഗബാധ.

ഇപ്പോൾ 496 കോഴിക്കോട് സ്വദേശികളാണ് വൈറസ് ബാധിതരായി ചികിത്സയിലുള്ളത്. ഇതിൽ 102 പേർ കോഴിക്കോട് മെഡിക്കൽ കോളേജിലും 126 പേർ കോഴിക്കോട്ടെ ലക്ഷദ്വീപ് ഗസ്റ്റ് ഹൗസിലെ ഫസ്റ്റ് ലൈൻ ട്രീറ്റ്മെന്റ് സെന്ററിലും 236 പേർ എൻ.ഐ.ടി യിലെ എഫ്.എൽ.ടി.സി യിലും 19 പേർ ഫറോക്ക് എഫ്.എൽ.ടി.സി യിലുമാണ്. 3 പേർ സ്വകാര്യ ആശുപത്രിയിലും രണ്ടു പേ‌ർ മലപ്പുറത്തും 5 പേർ കണ്ണൂരിലും ഒരാൾ തിരുവനന്തപുരത്തും ഒരാൾ എറണാകുളത്തും ചികിത്സയിലുണ്ട്.

മലപ്പുറം, കൊല്ലം, ആലപ്പുഴ, കണ്ണൂർ എന്നിവിടങ്ങളിൽ നിന്നുള്ള ഓരോ രോഗിയും വയനാട് സ്വദേശികളായ രണ്ടു പേരും എഫ്.എൽ.ടി.സി യിലും 4 മലപ്പുറം സ്വദേശികളും 2 തൃശൂർ സ്വദേശികളും ഒരു പത്തനംതിട്ട സ്വദേശിയും ഒരു കൊല്ലം സ്വദേശിയും ഒരു വയനാട് സ്വദേശിയും ഒരു കണ്ണൂർ സ്വദേശിയും കോഴിക്കോട് മെഡിക്കൽ കോളേജിലും ചികിത്സയിലാണ്.

 പോസിറ്റീവായവർ

 വിദേശത്ത് നിന്ന് എത്തിയവർ 3

വേളം സ്വദേശി പുരുഷൻ (42), കൊടുവളളി സ്വദേശിയായ പെൺകുട്ടി (06), കോർപ്പറേഷൻ പരിധിയിലെ ചെറുവണ്ണൂർ സ്വദേശി (27).

 ഇതര സംസ്ഥാനങ്ങളിൽ നിന്ന് എത്തിയവർ 5

രാമനാട്ടുകര സ്വദേശി (37), ബാലുശ്ശേരി സ്വദേശി (46), പനങ്ങാട് സ്വദേശികളായ സ്ത്രീ, പുരുഷൻ (24, 26), കാക്കൂർ സ്വദേശി (42).

 സമ്പർക്കത്തിലൂടെ 56

പെരുവയൽ - 2, വില്യാപ്പളളി - 1, ചേളന്നൂർ -1 (ആരോഗ്യ പ്രവർത്തകൻ, മഞ്ചേരി), തിരുവളളൂർ - 4, കോഴിക്കോട് കോർപ്പറേഷൻ - 29 (1 ആരോഗ്യ പ്രവർത്തകൻ, മെഡിക്കൽ കോളേജ്), വാണിമേൽ - 4, ഒളവണ്ണ - 9, ചോറോട് - 4, പെരുമണ്ണ - 2.

 ഉറവിടം വ്യക്തമല്ലാത്ത കേസുകൾ 3

കോർപ്പറേഷൻ പരിധിയിലെ മാറാട് സ്വദേശി (26), താമരശ്ശേരി സ്വദേശി പുരുഷൻ (24), തിരുവളളൂർ സ്വദേശി (42).