കൽപ്പറ്റ: ജില്ലയിൽ ഇന്നലെ 15 പേർക്ക് കൊവിഡ് സ്ഥിരീകരിച്ചു. 21 പേർ രോഗമുക്തരായി. ആറ് പേർക്ക് സമ്പർക്കത്തിലൂടെയാണ് രോഗബാധ. രോഗം ബാധിച്ചവരിൽ നാല് പേർ വിദേശത്ത് നിന്നും അഞ്ച് പേർ ഇതരസംസ്ഥാനങ്ങളിൽ നിന്നും വന്നവരാണ്.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 339 ആയി. ഇതിൽ 157 പേർ രോഗമുക്തരായി. ഒരാൾ മരണപ്പെട്ടു. നിലവിൽ 181 പേരാണ് ചികിൽസയിലുളളത്. ഇതിൽ ജില്ലയിൽ 176 പേരും കോഴിക്കോട് മെഡിക്കൽ കോളേജിൽ നാലും കണ്ണൂരിൽ ഒരാളും ചികിത്സയിൽ കഴിയുന്നു.

നാദാപുരത്ത് നിന്നെത്തി ചികിത്സയിൽ കഴിയുന്ന എടവക സ്വദേശിയുടെ സമ്പർക്ക പട്ടികയിലുള്ള പുളിഞ്ഞാൽ സ്വദേശി (21), ജൂലൈ 21 മുതൽ ചികിത്സയിലുള്ള തൃശ്ശിലേരി സ്വദേശിയായ 48 കാരന്റെ സമ്പർക്ക പട്ടികയിലുള്ള പയ്യമ്പള്ളി സ്വദേശി (52), ജൂലൈ 12 മുതൽ ചികിത്സയിലുള്ള ബൈരക്കുപ്പ സ്വദേശിയായ 75 കാരിയുടെ സമ്പർക്കത്തിലുള്ള ബൈരക്കുപ്പ സ്വദേശി (39), എറണാകുളത്ത് ചികിത്സയിലുള്ള കൽപ്പറ്റ പൊലീസ് ക്വാർട്ടേഴ്സിൽ താമസിക്കുന്ന 53 കാരൻ, കോഴിക്കോട് സ്വകാര്യ ആശുപത്രിയിൽ ജോലിചെയ്യുന്ന മാനന്തവാടി സ്വദേശി (24), മക്കിയാട് സ്വദേശി (27) എന്നിവർക്കാണ് സമ്പർക്കത്തിലൂടെ രോഗം സ്ഥിരീകരിച്ചത്.

രോഗം സ്ഥിരീകരിച്ച മറ്റുളളവർ:

ജൂലൈ അഞ്ചിന് ദുബായിൽ നിന്ന് വന്ന അമ്പലവയൽ സ്വദേശി (28), ജൂലൈ 14 ന് ഷാർജയിൽ നിന്നെത്തിയ അമ്പലവയൽ സ്വദേശി (36), ജൂലൈ നാലിന് സൗദി അറേബ്യയിൽ നിന്ന് വന്ന കണിയാരം സ്വദേശി (65), ജൂലൈ ആറിന് ദുബൈയിൽ നിന്ന് വന്ന ചെറുകാട്ടൂർ സ്വദേശി (32), ജൂലൈ 23 ന് കർണാടകയിൽ നിന്ന് വന്ന പയ്യമ്പള്ളി സ്വദേശികൾ (47, 43), ജൂലൈ 13 ന് ബംഗളുരുവിൽ നിന്ന് വന്ന പേരിയ സ്വദേശി (37), ജൂലൈ 23 ന് ബംഗളുരുവിൽ നിന്ന് വന്ന മാനന്തവാടി പിലാക്കാവ് സ്വദേശി (42), ജൂലൈ 12 ന് ബംഗളുരുവിൽ നിന്ന് വന്ന ചെന്നലോട് സ്വദേശി (27).

രോഗമുക്തി നേടിയവർ:

ജൂൺ 28 മുതൽ ചികിത്സയിലുള്ള അമ്പലവയൽ സ്വദേശി (30), ശിവഗിരി സ്വദേശി (33), ജൂലൈ ഒന്നുമുതൽ ചികിത്സയിലുള്ള ചെന്നലോട് സ്വദേശി (36), ജൂലൈ 4 മുതൽ ചികിത്സയിലുള്ള തെക്കുംതറ സ്വദേശി (22), ജൂലൈ 5 മുതൽ ചികിത്സയിലുള്ള കൽപ്പറ്റ സ്വദേശികൾ (35 കാരൻ, 30 കാരി, 2 വയസ്സുള്ള കുട്ടി), ജൂലൈ 6 മുതൽ ചികിത്സയിലുള്ള കാസർകോട് സ്വദേശി (38), തവിഞ്ഞാൽ സ്വദേശി (34), സീതാമൗണ്ട് സ്വദേശികൾ (22, 36), കമ്പളക്കാട് സ്വദേശി (48), തവിഞ്ഞാൽ സ്വദേശി (46), ജൂലൈ 7 മുതൽ ചികിത്സയിലുള്ള മീനങ്ങാടി സ്വദേശി (40), ജൂലൈ 8 മുതൽ ചികിത്സയിലുള്ള പുൽപ്പള്ളി സ്വദേശികൾ (30 കാരൻ, 55 കാരി, ഒന്നര വയസ്സുള്ള കുട്ടി), ജൂലൈ 11 മുതൽ ചികിത്സയിലുള്ള കാട്ടിക്കുളം സ്വദേശിയായ ഡോക്ടർ, ജൂലൈ 14 മുതൽ ചികിത്സയിലുള്ള പുൽപ്പള്ളി സ്വദേശികൾ (54, 21), ജൂലൈ 13 മുതൽ ചികിത്സയിലുള്ള തരിയോട് സ്വദേശി (22) എന്നിവരാണ് ആന്റിജൻ ടെസ്റ്റ് നെഗറ്റീവ് ആയതിനെ തുടർന്ന് ഡിസ്ചാർജ് ചെയ്യപ്പെട്ടത്.

ഇന്നലെ നിരീക്ഷണത്തിലായത് 164 പേർ

251 പേർ നിരീക്ഷണ കാലം പൂർത്തിയാക്കി

നിരീക്ഷണത്തിലുള്ളത് ആകെ 2868 പേർ

പരിശോധനയ്ക്കയച്ച സാമ്പിളുകൾ 14152

ഫലം ലഭിച്ചത് 12557

12218 നെഗറ്റീവും 339 പോസിറ്റീവും