15 പേർക്ക് സമ്പർക്കത്തിലൂടെ

49 പേർക്ക് രോഗമുക്തി

കൽപ്പറ്റ: വയനാട് ജില്ലയിൽ ഇന്നലെ 17 പേർക്ക് കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ അറിയിച്ചു. 15 പേർക്ക് സമ്പർക്കത്തിലൂടെയാണ് രോഗബാധ. രണ്ട് പേർ ഇതര സംസ്ഥാനങ്ങളിൽ നിന്ന് വന്നവരാണ്. 49 പേർ രോഗമുക്തി നേടി.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 401 ആയി. ഇതിൽ 251 പേർ രോഗമുക്തരായി. ഒരാൾ മരണപ്പെട്ടു. നിലവിൽ 149 പേരാണ് ചികിൽസയിലുളളത്. ഇതിൽ ജില്ലയിൽ 141 പേരും കോഴിക്കോട് മെഡിക്കൽ കോളേജിൽ ഏഴും എറണാകുളത്ത് ഒരാളും ചികിത്സയിൽ കഴിയുന്നു.

ജില്ലയിൽ നിന്ന് ഇന്നലെ 46 പേരുടെ സാംപിളാണ് പരിശോധനയ്ക്ക് അയച്ചത്.

സമ്പർക്കത്തിലൂടെ രോഗം ബാധിച്ചവർ:

സമ്പർക്കത്തിലൂടെ രോഗംബാധിച്ച് ജൂലൈ 25 മുതൽ ചികിത്സയിലുള്ള 22 കാരന്റെ സമ്പർക്ക പട്ടികയിലുള്ള പയ്യമ്പള്ളി സ്വദേശി (18), സമ്പർക്കത്തിലൂടെ രോഗം ബാധിച്ച് ജൂലൈ 23 മുതൽ ചികിത്സയിലുള്ള 52 കാരന്റെ സമ്പർക്ക പട്ടികയിലുള്ള പയ്യമ്പള്ളി സ്വദേശി (36), ബത്തേരിയിലെ സ്വകാര്യ സൂപ്പർമാർക്കറ്റിൽ ജീവനക്കാരായിരുന്ന അഞ്ച് പേർ ബീനാച്ചി സ്വദേശികൾ (20, 29), പൂളവയൽ സ്വദേശി (25), ചെതലയം സ്വദേശി (23), കൊളഗപ്പാറ സ്വദേശി (22), കോഴിക്കോട് മെഡിക്കൽ കോളേജിൽ ഹൃദയ സംബന്ധമായ രോഗത്തിന് ചികിത്സയിലിരിക്കെ മരണപ്പെട്ട വ്യക്തിയുടെ കൂടെ വന്ന് സംസ്‌കാര ചടങ്ങുകളിൽ പങ്കെടുത്ത ഒരു കുടുംബത്തിലെ അംഗങ്ങളായ എട്ട് വാളാട് സ്വദേശികൾ (19, 14 വയസ്സുള്ള സ്ത്രീകളും 29, 60, 35, 16, 33, 24 വയസ്സുള്ള പുരുഷന്മാരും).

പുറത്തു നിന്നെത്തിയവർ:

ജൂലൈ 13ന് ഡൽഹിയിൽ നിന്നെത്തി സ്ഥാപനത്തിൽ നിരീക്ഷണത്തിലായിരുന്ന പുൽപ്പള്ളി സ്വദേശി (22), ജൂലൈ 23 ന് ബംഗളുരുവിൽ നിന്ന് വന്ന് ജില്ലാ ആശുപത്രിയിൽ ചികിത്സയിലായിരുന്ന കുറുക്കൻമൂല സ്വദേശി (35) എന്നിവരാണ് രോഗം ബാധിച്ച് ചികിത്സയിലുള്ളത്.

രോഗമുക്തി നേടിയവർ:

എടവക (42), പനമരം (33, 27, 5, 33), പടിഞ്ഞാറത്തറ (26, 30), കാപ്പൻകൊല്ലി (10, 42), മേപ്പാടി (19, 57, 50, 21), മുട്ടിൽ (60, 22, 43), കൽപ്പറ്റ (24), മൂടക്കൊല്ലി (53), തരുവണ (26), തൊണ്ടർനാട് (46, 54, 4, 1), മട്ടിലയം (20, 30), കോട്ടത്തറ (30), റിപ്പൺ (40), മൂപ്പൈനാട് (26), ചെന്നലോട് (40, 23, 40), തൃക്കൈപ്പറ്റ (25), നെടുങ്കരണ (24), പാലയാണ (34), പുൽപ്പള്ളി (51), കുപ്പാടി (24), ചീരാൽ (26), മാനന്തവാടി (46, 49), വെള്ളമുണ്ട (27), അഞ്ചുകുന്ന് (25), പയ്യമ്പള്ളി (30), പനമരം (33), പീച്ചങ്കോട് (50), ചുണ്ടേൽ (24), മീനങ്ങാടി (32), കാരച്ചാൽ (32), ബത്തേരി (33), കണിയാരം (30) സ്വദേശികൾ എന്നിവരാണ് ഇന്ന് രോഗമുക്തി നേടിയവർ.

ഇന്നലെ നിരീക്ഷണത്തിലായത് 155 പേർ

171 പേർ നിരീക്ഷണ കാലം പൂർത്തിയാക്കി

നിരീക്ഷണത്തിലുള്ളത് 2811 പേർ.

ആശുപത്രി നിരീക്ഷണത്തിൽ 150 പേർ

പരിശോധനയ്ക്കയച്ചത് 14399 സാമ്പിളുകൾ

ഫലം ലഭിച്ചത് 13332

12931 നെഗറ്റീവും 401 പോസിറ്റീവും