ബാലുശ്ശേരി: കാർഷിക ചിന്തകൾ കുട്ടികളിൽ വളർത്തുകയെന്ന ലക്ഷ്യവുമായി ഹയർ സെക്കൻ‌ഡറി നാഷണൽ സർവീസ് സ്കീം നടപ്പാക്കുന്ന ഹരിതകാന്തി പദ്ധതിക്ക് ജില്ലയിൽ തുടക്കമായി.ഓരോ വളണ്ടിയറും വീടിനോട് ചേർന്ന പറമ്പുകളിലോ, ഗ്രോ ബാഗുകളിലോ, ചെടിച്ചട്ടികളിലോ ചുരുങ്ങിയത് പത്ത് പച്ചക്കറി തൈകളെങ്കിലും നട്ട് പരിപാലിക്കണം.ഓണക്കാലത്ത് വിളവെടുക്കുന്ന രീതിലാണ് ക്രമീകരിക്കേണ്ടത്. വളർച്ചയുടെ ഓരോ ഘട്ടത്തിലും പുരോഗതി യൂണിറ്റിലെ എൻ.എസ്.എസ് പ്രോഗ്രാം ഓഫീസറെ അറിയിക്കണം. കുട്ടികളുടെ ഡയറിയിൽ രേഖപ്പെടുത്തുകയും വേണം. മികച്ച രീതിയിൽ പ്രവർത്തനം നടത്തുന്ന വളണ്ടിയർമാർക്ക് യൂണിറ്റ് തലത്തിൽ സമ്മാനം നൽകും . വീട്ടുകാരുടെ സഹായവും നിർദ്ദേശവും കുട്ടികൾക്ക് സ്വീകരിക്കാം. ജില്ലയിലെ 139 എൻ.എസ്.എസ് യുണിറ്റുകളിലെ രണ്ടാം വർഷത്തിലെ 7000 വളണ്ടിയർമാർ പദ്ധതിയുടെ ഭാഗമാവും. ലോക്ക് ഡൗൺ കാലഘട്ടത്തിൽ കുട്ടികൾ വീടുകളിൽ അനുഭവിക്കുന്ന വിരസതയ്ക്ക് പരിഹാരം കാണുന്നതിനായി പദ്ധതി സഹായകമാവുമെന്ന് ജില്ല കോ ഓർഡിനേറ്റർ എസ് ശ്രീചിത്ത് പറഞ്ഞു.