കോട്ടയം : ജില്ലയിൽ ഇന്നലെ 14 പേർക്ക് കൂടി കൊവിഡ് സ്ഥിരീകരിച്ചപ്പോൾ 16 പേർ‌ രോഗമുക്തരായി. രോഗം സ്ഥിരീകരിച്ചവരിൽ 8 പേർ വിദേശ രാജ്യങ്ങളിൽ നിന്നും 6 പേർ മറ്റു സംസ്ഥാനങ്ങളിൽ നിന്നും എത്തിയവരാണ്. വിദേശത്ത് നിന്നെത്തിയ 8 പേരിൽ 4 പേർക്ക് വിദേശത്ത് നടത്തിയ ആന്റിബോഡി പരിശോധനാഫലം നെഗറ്റീവായിരുന്നു. അബുദാബിയിൽ വച്ച് രോഗം സ്ഥിരീകരിക്കുകയും ചികിത്സയ്ക്കുശേഷം രോഗമുക്തി നേടുകയും ചെയ്ത ഒരാളും ഇതിൽ ഉൾപ്പെടുന്നു. രോഗം ബാധിച്ച് ജില്ലയിൽ ചികിത്സയിലുള്ളവരുടെ എണ്ണം 114 ആയി. പാലാ ജനറൽ ആശുപത്രി : 37, കോട്ടയം മെഡിക്കൽ കോളേജ് ആശുപത്രി : 33 , കോട്ടയം ജനറൽ ആശുപത്രി : 29, എറണാകുളം മെഡിക്കൽ കോളേജ് ആശുപത്രി : 7, മഞ്ചേരി മെഡിക്കൽ കോളേജ് ആശുപത്രി : 2, മുട്ടമ്പലം ഗവ.വർക്കിംഗ് വിമൻസ് ഹോസ്റ്റലിലെ പ്രാഥമിക പരിചരണ കേന്ദ്രം : 6 എന്നിവിടങ്ങളിലാണ് ഇവർ ചികിത്സയിൽ കഴിയുന്നത്.

രോഗം സ്ഥിരീകരിച്ചവർ.

കുവൈറ്റിൽ നിന്ന് ജൂൺ 19 ന് എത്തിയ തെള്ളകം സ്വദേശിനി (58)

പൂനെയിൽ നിന്ന് മേയ് 24 ന് എത്തിയ അയർക്കുന്നം സ്വദേശി (31)

അഹമ്മദാബാദിൽ നിന്ന് ജൂൺ 18 ന് എത്തിയ ജാർഖണ്ഡ് സ്വദേശിനി (25)
തമിഴ്‌നാട്ടിൽ നിന്ന് ജൂൺ 23 ന് എത്തിയ മരങ്ങാട്ടുപിള്ളി സ്വദേശി (26)
ഷാർജയിൽ നിന്ന് ജൂൺ 20 ന് എത്തിയ മാടപ്പള്ളി സ്വദേശി(50)

മുംബയിൽ നിന്ന് ജൂൺ 6 ന് എത്തിയ പാറത്തോട് സ്വദേശിനി (62)

ഡൽഹിയിൽ നിന്ന് ജൂൺ 19 ന് എത്തിയ കാരാപ്പുഴ സ്വദേശിയായ ആൺകുട്ടി (3)

ഡൽഹിയിൽ നിന്ന് ജൂൺ 22 ന് എത്തിയ തൃക്കൊടിത്താനം സ്വദേശി (54)

ഒമാനിൽ നിന്ന് ജൂൺ 25 ന് എത്തിയ വാഴപ്പള്ളി സ്വദേശി (62)

യു.എ.ഇയിൽ നിന്ന് ജൂൺ 30 ന് എത്തിയ കാട്ടാമ്പാക്ക് സ്വദേശി (27)

മംഗലാപുരത്ത് നിന്ന് ജൂൺ 28 ന് എത്തിയ തിരുവാർപ്പ് സ്വദേശി (40)

ഷാർജയിൽ നിന്ന് ജൂൺ 30 ന് എത്തിയ കങ്ങഴ സ്വദേശി (39)
അബുദാബിയിൽ നിന്ന് ജൂൺ 30 ന് എത്തിയ ചങ്ങനാശേരി സ്വദേശി (19)

അബുദാബിയിൽ നിന്ന് ജൂൺ 30 ന് എത്തിയ ഈരാറ്റുപേട്ട സ്വദേശി (30)